قارەمانیا عەرەبی بو یاریا کیک بوگسینگێ دێ لـ دھوکێ ھێت ئەنجامدان
پارێزگارێ دهۆکێ و وه‌زیرێ وەرزش و لاوان ل حکومەتا عیراقا فیدرال ده‌ستپێكرنا چالاكیێن قاره‌مانیا وه‌لاتێن عه‌ره‌بى بو یاریا كیك بوكسینگێ ل دهوکێ راگه‌هاند
ئه‌ڤرو ئێڤارى 26/8/2021 ل هولا كونفرانسا رێورەسمێن ده‌ستپێكرنا چالاكیێن قاره‌مانیا (12) ێ یا وه‌لاتێن عه‌ره‌بى بو یاریا كیك بوكسینگێ هاتنه گێران و چه‌ند په‌یڤ و چالاكیێن جورا وجور هاتنه ئه‌نجامدان .
لبه‌راهیێ “قاسم واستى” سه‌روكێ ئێكه‌تیا كیك بوكسینكێ یا وه‌لاتێن عه‌ره‌بى دپه‌یڤه‌كێدا سوپاسیا هه‌موولایه‌نان كر كو رێك خوشكریه كو قاره‌مانى ل دهۆكێ بهێته ئه‌نجامدان.
پاشان پارێزگارێ دهۆكێ ب نونه‌راتیا به‌رێز “مه‌سرور بارزانى” سه‌روكێ حكومه‌تا هه‌رێما كوردستانێ خوشحالیا خو ب ئه‌نجامدانا ڤێ قاره‌مانیێ ل پارێزگه‌ها دهۆكێ دیاركر و ده‌ست خوشى ل هه‌موو تیمێن پشكدار كر وخواست كو زه‌مینه پتر بهێته خوشكرن دا ئه‌ڤ جوره چالاكیه پتر بهێنه كرن وسه‌ركه‌فتنێ بو تیمێن پشكدار خواست
پاش “باسل یوسف” سه‌روكێ ئێكه‌تیا كیك بوكسینگێ سوپاسیا هه‌موو لایه‌نان كر یێن بوینه هاریكار كو قاره‌مانى ل دهۆكێ بهێته ئه‌نجامدان.
ل دوماهیێ عدنان درجال وه‌زیرێ لاوان ۆ وه‌رزشا عیراقا فیدرال ده‌ستپێكرنا قاره‌مانیێ راگه‌هاند وسه‌ركه‌فتن بو هه‌موو پشكدارا خواست.
هه‌ر دچارچوڤێ ڤان رێورەسمان دا خه‌لات ل سه‌ر وان لایه‌نان هاتنه به‌لافكرن یێن بوینه هاریكار بو ئه‌نجامدانا قاره‌مانیێ ل دهۆكێ و فلمه‌كێ دیكیومه‌نتارى ل سه‌ر جهێن گه‌شت وگوزارى ل پارێزگه‌هێ هاته نیشان دان و تیمێن قاره‌مانیێ خودانه‌نیاسین و تیپا هونه‌رى یا دهۆكێ تابلویێ پێكڤه ژیانێ نمایشكر.
دەست خوشیێ ل د. دیار بەرواری ئەندامێ پەرلەمانێ ئیراقێ و جێگرێ لژنا وەرزشا ئیراقێ دکەین کو رۆلەکێ باش هەبوویە د کارکرن لسەر ئینانا ڤێ قارەمانیێ. هەژی گوتنێیە تیمێن پشكدار دقاره‌مانیا دوازدێ یا وه‌لاتێن عه‌ره‌بیدا كو ژ25- 30ى ڤێ مه‌هێ دێ هێته ئه‌نجامدان ئه‌ڤه بوون( ئوردن – سوریا- ئیمارات – مسر – لیبیا – جه‌زائیر – تونس – موریتانیا – فله‌ستین – یه‌مه‌ن – عیراق).
