پەکەکێ ل شەنگالێ دەست کریە ب چەکدار کرنا زاروکان

دەنگێ بەهدینان

ل گور زانیاریێن (( دەنگێ بەهدینان ))  کو ژلایێ ژێدەرەکێ تایبەت ل ناڤ ڕێزێن یەپەشێ بدەست کەتینە ، پەکەکێ دەست کریە ب چەکدار کرنا زاروکان لڤێ قەزایێ ، ئەڤی ژێدەری ڕاگەهاند ” فەرمانەک ژ قەندیلێ هاتیە کو هەر زاروکەکێ ژ ١٢ ساڵی زێدەتر بیت ، ژلایێ یەپەشێ ڤە تەدریب پێ بهێتە کرن ، پشتڕا ژبو قەندیلێ بهێن شاندن”.

گوتژی ” تانها ١٣ زاروک ژ ماڵباتا من هاتینە ڕەڤاندن، پەکەکە دەستان ژ کەسێ ناپارێزیت و کەتیە ناڤا قەیرانێدا ، لەوما دەست کریە ب زوری برنا ئەڤان زاروکان ، تانها پتر ژ ٨٢ زاروک هاتینە ڕەڤاندن و هەر پشکەک ژ جهەکی برینە و پڕانیا وان ل ناڤەندا قەزا شەنگالێ هاتینە ڕەڤاندن”.

پەکەکە ڕەت دکەت کو ئەڤ زاروکە ب ئێکجاری بربن ، ئەو ئیدعا دکەن کو تەنێ ژبو مەشقا هاڤینی برینە و تەنێ ڤان زاڕوکان نازڤڕینن ئەوێت کو ب حەزاخو ناخازن بزڤڕن.