چاڤدێرەک : ئەگەر پارتی میدیایەک بهێز نەبا ١٦ێ ئوکتوبەرێ ژیک دا ئێخنە ستویێ وێ
دەنگێ بەهدینان
لسەر چەواشەکاریێت ئێکەتیێ و ژبیر برنا خیانەتێت خو دهزرا خەلکیدا و بەخشینا ئەڤان خیانەتا ب پارتی دیموکراتی کوردستان دا ، هاریوان ڕێکانی چاڤدێری سیاسی و ڕاگەیاندکار ب (( دەنگێ بەهدینان )) ڕاگەهاند ” ئەگەر ل ١٦ ێ ئوکتوبەرا ٢٠١٧ێ پارتی سوشیال میدیایەک بهێز نەبا و میدیایەکا ڕاستگو و بهێز نەبا ، مینا ٣١ێ ئابێ و خیانەتا ئێکەتیێ و ئینانا پاسدارا ، دا ئەوێژێ کەنە ستویێ پارتی “.
هەروەسا گوت ” دڤێت ملەت هەمی بزانیت کو ل ٣١ێ ئابێ ئێکەتیێ پاسدارێت ئیرانێ ئینابونە هەولێرێ ژبو دیماهیک ئینان ب پارتی و خەباتا کوردی ، لێ سەرکرداتیا پارتی پشتی کو ئەف پیلانە ژبوی ئاشکەرا بوی ، بو ئێکەم جار ددیروکیدا ئەو سەدامێ کو پشکەک مەزن خەلک کری جاشێ خو ، پارتی ئەو سەدامە کرە جاشێ خو و ئینا هەروەکی مەکتەبا سیاسیا پارتی ڕاگەهاندی الافسد بالفاسد کرە ژدەرڤە و شیا ئەڤێ پیلانا ئەقلیمی دژی کوردستانێ ژناڤ ببەت “.
گوتژی ” پارتی ل ٣١ێ ئابا ١٩٩٦ مینا ٢٠ێ ئوکتوبەرێ یا بهێز نەبو ، لەوما ب نەچاری پەنا ژبو هێزەکا عیراقی بر دابشێت بسەر ئەڤێ پیلانا ئەقلیمی بکەڤیت و کوردستانێ بگەهینیتە ئەڤێ ڕوژا پڕشنگدارا کو ئەڤڕوتێدا و ئەڤێ ئازادیا کو دنهادا ئەم تێدا و زاروکێن مە ب کوردی دخینن و زمانێ کوردی زمانێ فەرمیێ وەڵاتیە و ئاڵایێ کوردستانی لسەر کەلها هەولێرێ دشەکیت ، ئەرێ کابلا بومە دیارکەن ئایا کیش ئاڵا دنهادا لسەر کەلها کەرکوکێیە و کیش زمان یێ فەرمیە و کیژان قوتابخانە بزمانێ کوردی دخینیت و چەند بەرپرس کوردن لڤی باژێڕی ، ئەرێ بلا بومە بێژن ب کیش چەکی پارێزڤانیێ لخو دکەن ، هەروەکی هەڤاڵ عەونی گوتی ، ئەگەر ٣١ێ ئابێ نەبا نها دا بدار ماسیحەی پارێزڤانیێ ل بارەگەهێن خوکەن کو ڕامان ژێ پارێزڤانێت نها یێت بارەگەهێت ئێکەتیێ نە ل کەرکوکێ”.
