ئەو کەسێ دزیا مەزن ل دهوکێ کری ئاشکەرا کرن
دەنگێ بەهدینان
پشتی کو ٢ ملیون و ٦٠٠ هزار دولار دگەل ٤ کیلویێت زێڕی ل پارێزگەها دهوکێ ل ئێک ژ دەولەمەندا هاتی دزین . دەنگڤەدانەک مەزن ل دیف خوڕا ئینا ، لێ خەلکی هەمیێ پرسیار دکر ، کێ ئەڤ دزیە ئەنجامدایە ؟ ، (( دەنگێ بەهدینان )) دیفچونەک هیز لسەر ڤی بابەتی ئەنجامدایە ، ژێدەرەک ل دەزگەهێت ئەمنیێت پاریزگەها سلێمانیێ ئاشکەرا دکەت کو زانیاری لسەر ئەڤی کەسێ کو بڤێ تاوانێ ڕابوی بدەست هێزێن ئەمنی کەتینە ، هەروەسا گوت ئەو کەسێ دزی کری ئافرەتەکا کرێکارە کو لناڤ ماڵا ئێک ژ زەنگینێت تاخێ گرێ سور کاردکەت هاتیە ئەنجام دان ، هەروەسا گوت ئەو ئافرەتە خەلکێ وەڵاتێ جورجیا یە و بیانیە ، هەروەسا گوت دو کەسێن دن کو ب ڕەگەز عیڕاقینە هاریکاربونە دگەل ڤێ تاوانبارێ ، لێ کەس نەهاتیە دەستەسەرکرن .
هەروەسا گوتژی ” ئەو پارە تانها ل هەرێما کوردستانێنە و نەچوینە ژ دەرڤە ، تەنێ ئەو ئافرەتا جورجی دنهادا ژ هەرێمێ دەرکەتیە و نها ل وەڵاتێ ترکیا دانیشتیە ” .
دەزگەهێت ئەمنی دلنیایی یێ ددەنە خودانێ مافی و خەلکێ هەرێما کوردستانێ کو تو کەسەک نەشێت ژ یاسای بڕەڤیت ، تومەتبار دێهێن دەستەسەر کرن و هەر کەسەک تاوانەکا مینا ڤێ ئەنجام بدەت دێ هێت دەستەسەر کرن هەروەکی چاوا لبەرێ هاتینە دەستەسەرکرن.
ل گور زانیارییان ئەو کەسێ کو خودان مافە و دزی لێ هاتیە کرن ، بازرگانەکێ نێڤ دەولەتیە و کارێ بازرگانیا جگاران دکەت لسەر ئاستێ نێڤ دەولەتی .
