سەروک بارزانی پێشوازی ل شاندەکا بلندا جەهەپێ کر

دەنگێ بەهدینان

شاندەکا بلندا پارتا گەلێ کوماریا ترکیا ( CHP ) ، بسەروکاتیا ئۆگوز کان سالیجی جێگرێ سەروکێ ئەڤێ پارتێ سەرەدانا هەرێما کوردستانێ کر و ژ ئالیێ سەروک ( مەسعود بارزانی ) پێشوازی لێ هاتە کرن. د دیدارێدا جێگرێ سەروکێ پارتا جەهەپێ سڵاڤێت سەروکێ پارتا خو گەهاندنە سەروک بارزانی.

ب ئاماژەدان گوڕانکاریێن دیروکیین نافخویێت ترکیا ، سالیجی تەکەز ل دیموکراتیێ کر و ڕاگەهاند کو  دیموکراتیخوازی دێ بیتە سەدەمێ پێشکەفتنێ ل نافچەیدا و ب پێتڤی زانی کو ئالیێن دیموکراتیکێت نافچەی پەیوەندی دگەل هەڤدو هەبن ژبو ئینانەدیا دادپەروەری و پێشکەفتنێ .هەروەسا تەکەز ل گرنگیا هەرێما کوردستانێ کر ل عیراق و نافچەی ب گشتی و خاست کو پەیوەندیێن هەردو ئالییان بەرفرەتر و کیر تر ببن.

هەر دڤێ دیداریدا سەروک بارزانی ب گەرمی بخێرهاتنا شاندا مێڤان کر و ڕاگەهاند ” قەدرێ گەلێت نافچەی ئەڤەیە کو دگەل هەڤدو بژین و باشترین ڕێک ژی بوڤێ ژیانێ براتی و ئاشتی و چارەسەرکرنا گرفت و لاوەنانا ئەزمانێ نکولی کرنێیە ل بەرامبەری .

هەروەسا سەروک بارزانی تەکەز کر کو مە هەمیا پێتڤی یابڤێ هەی سود ل ئەزمون و خەلەتیێت بوری وەربگرین و خزمەتا پێکڤە ژیان و ئاشتیا گەلان بکەین.