سەروکێ حکومەتا هەرێما کوردستانێ پێشوازی ل شاندەکێ بلندێ جەهەپێ کر

دەنگێ بەهدینان

شاندەکا بلندا پارتا گەلێ کوماریا ترکیا ( CHP ) ، بسەروکاتیا ئۆگوز کان سالیجی جێگرێ سەروکێ ئەڤێ پارتێ سەرەدانا هەرێما کوردستانێ کر و ژ ئالیێ هێژا ( مەسرور بارزانی) سەروکێ جڤاتا وەزیرێن هەرێما کوردستانێ پێشوازی لێ هاتە کرن. د دیدارێدا جێگرێ سەروکێ پارتا جەهەپێ سڵاڤێت سەروکێ پارتا خو گەهاندنە سەروک وەزیرێ هەرێما کوردستانێ.

هەروەسا سالیجی ئارمانجا سەرەداناخو ژبو سەروک وەزیرێ وەزیرێ هەرێما کوردستانێ دا دیار کرن و ڕاگەهاند کو ئارمانج لڤێ سەردانێ  بهێزکرنا پەیوەندیێن نێڤبەرا هەرێما کوردستانێ و ترکیایە و خستنەڕویا بوچونا پارتیا گەلێ کوماریە لسەرڤێ پرسێ .

هەروەسا سەروکێ حکومەتا هەرێما کوردستانێ ئاماژە بڤێ چەندێ دا کو ترکیا وڵاتەکێ دراوسێیە و ولاتەکێ گرنگە ل نافچە و جیهانێدا و بو هەرێما کوردستانێ ژی گرنگە، ڕاگەهاند کو ترکیا فاکتەرەکێ سەقامگیریێ یە ل نافچەی و هەردەم دخازن باشترین پەیوەندی دگەل هەبن کو وەڵاتەکێ فرە نەتەوە و ئاین و پێکهاتێن جودایە و ئەڤەژی نیشانێ دەولەمەندیا ڤی وەڵاتیە.