مه‌حمود محه‌مه‌د: ئه‌م دشێین نوینه‌راتیا هه‌مى عیراقێ بكه‌ین نه‌بتنێ كوردستانێ
محمود محمد بەردەفکێ پارتى دیموكراتى كوردستان په‌یڤه‌ك سه‌باره‌ت هه‌لبژارتنان پێشكێشكر و راگه‌هاند :
پارتى ل دژى دوربێجكرنا نه‌ته‌وه‌یانه و باوه‌رى ب پێكڤه‌ژیانێ هه‌یه و دیاركر كو پارتى دشێت نوینه‌راتیا هه‌مى عیراقێ بكه‌ت نه پتنێ كوردستانێ .
محمود محمد هه‌روه‌سا گوت : ئه‌م وه‌ك پارتى مه كاندید هه‌نه دناڤ زوبه‌ریا پێكهاتێن نه‌ته‌وه‌یێن جودادا وه‌ك عه‌ره‌ب و توركومان و كلد و ئاشورى و نه‌ته‌وێن جودا هه‌نه .
بەردەفکێ پارتى دیاركر کو پارتى باوه‌رى ب دیدار و بوچوون و هزرێن جودا هه‌نه ئارمانجا مه چاكسازى و پێشكه‌فتن و خزمه‌تا خه‌لكى یه ژ پێخه‌مه‌ت به‌ره‌ڤپێشبرنا ملله‌تێ مه .
هه‌روه‌سا گوت : مه نه بتنێ ل هه‌رێما كوردستانێ به‌لكو مه شیان هه‌نه هه‌مى عیراقێ برێڤه‌ببه‌ین و مه كاندید هه‌نه ل زوربه‌یا پارێزگه‌هان .
هەروەسا دیاركر ژی کو چ ده‌ما شه‌رێ مه دگه‌ل عه‌ره‌با نه‌بوویه وه‌ك نه‌ته‌وه ئه‌م دژى دورپێج و ته‌عه‌سوبا نه‌ته‌وه‌یى نه .
هەروەسا گوتژی ” ئه‌م راكه‌رێن ملله‌تێ خوینه و دزانین چه‌وا چاره‌سه‌ریا كێشه‌یان بكه‌ین ژبه‌ر ڤێ چه‌ندێ هه‌رده‌م ده‌رگه‌هێ گه‌نگه‌شێ ڤه‌كریه و ل ده‌مێ خه‌باتا چه‌كداریدا ژى ده‌رگه‌هێ گه‌نگه‌شێ نه‌هاتیه دائێخستن ، به‌لێ ب خه‌م حكومرانێن عیراقێ نه ئه‌ون ل جهێ چاره‌سه‌ركرنا كێشه‌یان كیتر دكه‌ن ژبه‌ر ڤێ چه‌ندێ د نوكه‌دا كێشێن مه ژ هه‌مى لایه‌كى ڤه كیتربوویه “.
