میدیایێت عەرەبی: سەروک بارزانی بڕیارێ دێ لسەر سەروک وەزیرانێ عیراقێ دەت
![](/wp-content/uploads/2021/09/کەرکوک-905x613-1.jpg)
میدیایێت عەرەبی: سەروک بارزانی بڕیارێ دێ لسەر سەروک وەزیرانێ عیراقێ دەت
دەنگێ بەهدینان
ماڵپەڕێ ( ئەلعەرەبی٢١ ) د ڕاپورتەکا خودا چەند زانیاریەکان لسەر سەروک وەزیرانێ داهاتیێ عێڕاقێ بەڵاڤ دکەت ژ زارێ چەند سەرکردە و کەسایەتیێن سایسیێت عەرەبی ، ڕادگەهینیت ” بارزانی دوو مەرجێن سەرەکی یێت هەین ژبو پشتەڤانی کرن ل کاندیدەکی بو سەروک وەزیرێ عیراقێ ، مەرجێ ئێکێ ئەڤەیە کو دڤێت ئەو ئالیێ کاندیدێ خو ژبو سەروک وەزیرانی ددانیت دڤێت ڕازی ببیت لسەر ڤەگەڕیانا دوخێ نافچەیێن مادێ ١٤٩ بو بەری ١٦ێ ئوکتوبەرێ . هەروەسا مەرجێ دوێ ئەڤەیە کو دڤێت سەروک کومار ژبو کوردا بیت وەک هەرجار و بهێت جێگیرکرن “.
هەروەسا دڤێ ڕاپورتێدا هاتیە کو هەر ئێک ژ رەوتا سەدر و حیکمە و دەولەتا یاسای هەڤڕکیێ دکەن ژبو ەرگرتنا سەروک وەزیرێ عیراقێ ، ئیحسان شەمەری دبێژیت ئەڤ مەرجە ژبو کوتلێت شیعی کارەک پڕ زەحمەتە ژبەر کو دێ هبیتە سەدەمێ کارڤەدانێت توند ژلایێ شەقامێ شیعی ، لێ بێ سەروک بارزانی و ئالیێت کوردی زەحمەتە کابینا نو بهێت پێک ئینان .
هەروەسا موختار موسەوی پەرلەمانتارێ هاوپەیمانیا فەتح ژبو ئەلعەرەبی٢١ د ئاخڤیت و دبێژیت ئارمانجا سەروک بارزانی ئەڤەیە کو پێشمەرگە بزڤڕیتە نافچەیێن مادێ ١٤٠ و ب تایبەتی کەرکوکێ ، ئەڤەژی کارەکێ گرانە ژبو ئالیێت شیعی ، لێ یاڕاست ئەڤەیە کو دڤێت پێکهاتەیێن کەرکوکێ بڕیارێ لسەر چارەنڤیسێ خوبدەن.
لسەر ڤێ مژارێ ئەرجان عەلی چالاکڤانێ سیاسی ل کەرکوکێ ب (( دەنگێ بەهدینان )) راگەهاند ” پڕانیا خەلکێ کەرکوکێ دخازن پێشمەرگە بزڤڕیتە ئەڤی باژێڕی ، ژبەر کو تو هێزەک نەشێت ئەمنیەتا کەرکوکێ مینا پێشمەرگەی ب پارێزیت ، پشتی کو پێشمەرگە ل کەرکوکێ نەمای ل ١٦ێ ئوکتوبەرا ٢٠١٧ تانها ب شەڤ مە چ هێز نینە بەڕەڤانیێ لمە بکەن ، داعش و گروپێت چەتە ب شەڤ حاکمن ، داعش ل دورماندورێ باژێڕی و چەتە ل ناڤا سەنتەرێ باژێڕی ، ئەڤەژی ئاریشەک هەری مەزنە و تەنێ پێشمەرگە دشێت بڤی ئەرکی ڕابیت و خەلکێ مە ب پارێزیت”.