ھێژا مەسرور بارزانی: پەرلەمانێ پشتەڤانیا لـ پێنگاڤێت ئەڤێ کابینێ یا کری

دەنگێ بەھدینان

دتویتەکێدا ھێژا ( مەسرور بارزانی ) ڕادگەھینیت کو پەرلەمانا کوردستانێ لڤێ قوناغێدا پشتەڤانیا پێنگاڤێت حکومەتا ھەرێما کوردستانێ یاکری ژبو لادانا بەربەستا لـ ھەمبەر بزنسێت نو ،مە ڕێککار و پڕوسەکە ژ ٣٢ ڕوژان یاکریە ئێک ڕوژ .
ھەروەسا دپشکەکا دندا دبێژیت ” ژ ٥٠ سەردانێت ئوفیسێت حکومەتێ ، مەیێت کرینە ئێک سەردان و تێچو وخەرجی بڕێژا ٪‏٩٠ مە یێت کێم کرین”.

لسەرڤێ مژارێ سەردار سەلیم شەھرەزایێ ئابوری بـ (( دەنگێ بەھدینان )) ڕاگەھاند ” لـ دەستپێکا دەست بکاربونا خودا ، سەروکێ حکومەتێ تەکەز لـ بھێزکرنا کەرتێ حکومی و نەحکومی کر ، ھەروەسا ئێکسانی دنێڤ بەرا ھەردو کەرتاندا ، ئەڤەژی نھا بـ چاڤ تێ دیتن و پێشکەفتنەک مەزن ھەردو کەرتان بخوڤە دیتیە ، سەروکێ حکومەتێ بـ دیربینین و ھیربینینا خو شیا کەرتێ تایبەت بھێز بکەتەڤە و ڕاکەتەڤە سەر پێت خو کو ئەڤە چەند ساڵ بون بسەدەما قەیرانێ سستی کەفت بو تێدا و ژبەر ڕوتین و ڕێکارێت گەلەک ، بزنسمەنا ڕیێ خو نەددا بازاڕێت ھەرێما کوردستانێ “.