پشتی چار ساڵان بو ئێکەم جار ئاڵایێ کوردستانێ ل کەرکوکێ هات بلندکرن
پشتی چار ساڵان بو ئێکەم جار ئاڵایێ کوردستانێ ل کەرکوکێ هات بلندکرن
دەنگێ بەهدینان
پشتی خیانەتا ١٦ێ ئوکتوبەرێ و نەمانا کورد و پێشمەرگەی ل کەرکوکێ ، ئەڤڕو و پشتی بورینا چار ساڵان بوئێکەم جار ئاڵایێ کوردستانێ ل ڤی باژێڕێ داگیرکری ، ژ ئالیێ ئالیگرێن پارتیا دیموکراتا کوردستانێ هات بلند کرن ، لسەر ڤێ مژارێ ئەرکان جەمیل چالاکڤانێ سیاسی ب (( دەنگێ بەهدینان )) ڕاگەهاند” ئەڤڕو جیاواز بو کەرکوک و کەرکوکیان ، پشتی بورینا چار ساڵان لسەر داگیرکرنا وێ و خیانەتا مەزن ، بوئێکەم جار ئاڵایێ کوردستانێ هات بلند کرن ژلایێ کوڕێت سەروک بارزانی ڤە ، ئەڤڕو هیڤیەک ژبوی مە زڤڕی و ئەم دلخوشین بڤی کارێ مەزن “.
هەروەسا گوتژی ” پارتی نەزڤڕی هەتا ئاڵایێ پیروزێ کوردستانێ نەئینایە کەرکوکێ ، ئەڤە نیشتیمانی بونا پارتیە ، ئەڤە وەڵات پارێزیە ، نەک بتەنێ کوردا ، بەلکو عەرەب و ترکمان ژی دلێ وان بڤێ پێنگاڤێ یێ خوشە ، هەمی ئەو کەسێن کو ب بەلێ پشکداری د ڕیفراندومێدا کری ، ئەڤڕو دلخوشن ب بلندکرنا ئاڵایێ کوردستانێ “.
گوتژی ” پارتی بیر و باوەڕە ، ڕێبازەکە کو تەنێ ژبو کوردایەتیێ خەباتێ دکەت ، ئەڤڕ وەک هزاران ڕوژێن دن دێ ب زێڕی هێت نڤیساندن ددیروکا پارتی و پارتیاندا “.
