ب گوژمێ‌ پتری ملیارەکێ  پێنج پرۆژه‌ ل شێخان هاتنه‌ ڤه‌كرن

قایمقامێ‌ قه‌زا شێخان  دیار كر، ب گوژمێ‌ ملیاره‌ك و 200 ملیۆن دیناران پێنج پرۆژێن خزمه‌تگۆزاری ل قه‌زا شێخان كار ل سه‌ر ب دووماهی هات و ب ره‌نگه‌كێ‌ فه‌رمی هاتنه‌ ڤه‌كرن و كه‌فتنه‌ د خزمه‌تا وه‌لاتیان دا.

سه‌ردار یه‌حیا عه‌بدولعه‌زیز، قایمقامێ‌ قه‌زا شێخان خویا كر، ئه‌و پرۆژه‌ پێك دهێن ژ دروستكرنا قوتابخانه‌كا نه‌ه رێزی ل گوندێ‌ بیباڤا سه‌ر ب ناحیا قه‌سرۆكێ‌ ڤه‌ و پرۆژێ‌ دروستكرنا هوله‌كا ئه‌زموونان بۆ قوتابخانه‌كا باعه‌درێ‌ و پرۆژێ‌ دروستكرنا رێكێن ناڤ گوندێ‌ ئیسیان و پرۆژێ‌ دروستكرنا رێكێن چه‌ندین تاخان د ناڤ سه‌نته‌رێ‌ باعه‌درێ‌ دا.

قایمقامێ‌ قه‌زا شێخان گۆت: “ئه‌ڤ پرۆژه‌ ژلایێ‌ بودجه‌یا به‌نكا نێڤده‌وله‌تی ڤه‌ ب هه‌ڤكاری دگه‌ل حوكمه‌تا به‌غدا و هه‌رێما كوردستانێ‌ ب سه‌رپه‌رشتیا پارێزگه‌ها دهۆكێ‌ هاتینه‌ دروستكرن”.