زانكویا دهوك كونفرانسه‌كی ل دور شوڕه‌شا ئیلونێ دێ ئه‌نجام ده‌ت
زانكۆیا دهۆك كۆنفرانسه‌كی ل دۆر شۆڕه‌شا ئیلۆنێ دێ ئه‌نجام ده‌ت
ب هه‌لكه‌فتا 60 سالیا شۆڕه‌شا ئیلۆنێ، زانكۆیا دهۆك دێ كۆنفرانسێ خوه یێ زانستی یێ نێڤده‌وله‌تی یێ سێیێ ل بن درووشمێ (شۆڕه‌شا ئه‌یلوولێ وه‌رچه‌رخانه‌ك د دیرۆكا سیاسی یا كوردی دا) ئه‌ڤرۆ 12/9/2021 ل سه‌نته‌رێ كۆنفرانسان ئه‌نجام ده‌ت.
كۆنفرانسێ زانستی یی َنێڤده‌وله‌تی یێ سێیێ، بڕیاره بۆ ده‌مێ دو رۆژان 12 و 13/9/2021 یێ به‌رده‌وام بیت و د هه‌ردو رۆژان دا هژماره‌كا په‌نه‌ل و ڤه‌كۆلینان ل دۆر شۆڕه‌شا ئیلۆنێ بهێنه پێشكێشكرن.
دیسا د رۆژا ئێكێ یا كۆنفرانسی دا، پێشانگه‌هه‌كا وێنان و فلمه‌كێ دۆكیۆمێنتاری ل دۆر شۆڕه‌شا ئیلۆنێ بن و چار په‌نه‌ل ژی ل دۆر (تێگه‌ه و بنگه‌هێ هزری یێ شۆڕه‌شا ئیلۆنێ، رۆلێ ته‌خێن جڤاكی، سیاسی و ره‌وشه‌نبیری د شۆڕه‌شا ئیلۆنێ دا، شۆڕه‌شا ئیلۆنێ و راگه‌هاندن و شۆڕه‌ش و هۆنه‌ر) دێ هێنه پێشكێشكرن.
د رۆژا دویێ یا كۆنفرانسی ژی دا، سێ په‌نه‌ل ل دۆر شۆڕه‌شا ئیلۆنێ (مێژوویا شۆڕه‌شێ و بیردانكا وێ، هه‌لویستێ هه‌رێمی و نێڤده‌وله‌تی ژ شۆڕه‌شا ئیلۆنێ و دانوستاندن دگه‌ل حكومه‌تا عیراقێ و به‌یانناما 11 ئادارێ 1970ێ) دێ هێنه پێَشكێشكرن، ل دووماهیا كۆنفرانسی ژی پێشنیارێن كۆنفرانسی دێ هێنه دیاركرن و خه‌لاتێن رێزلێنانێ هێنه به‌لاڤكرن.
