چوار گەنج بەرزەبونە و گومان ل پەکەکێ تێ کرن ڕەڤاندبن
ده‌ما پێنج رۆژانه چار گه‌نجێن سنوورێ ناحیا شێلادزێ چووینه ده‌ڤه‌را نێروه و رێكان و هه‌تا نوكه نه زڤڕینه.
سه‌ردار رێكانی، كه‌سوكار و گوندیێ ئێك ژ وان به‌رزه‌بوویان ب میدیایان ڕاگەهاند: “ئه‌ڤه نێزیكی پێنج رۆژانه چار گه‌نجێن ده‌ڤه‌را مه كو خه‌لكێ كۆمه‌لگه‌ها سیریێ نه، چووینه ده‌ڤه‌را نێروه و رێكان و هه‌تا نوكه نه زڤڕینه ڤه و ئه‌م چو ژ چاره‌نڤیسێ وان نزانین”.
زێده‌تر گوت: “هه‌ر چه‌نده نزانن بۆچی نه زڤرینه؟ به‌لێ دیاره ده‌ڤه‌را نێروه و رێكان ده‌ڤه‌ره‌كا نه‌ئارامه و به‌رده‌وام شه‌ر و ئالۆزی و بۆردمانا فرۆكه و توپخانه‌یێن توركیا لێ هه‌یه”.
ل دۆر ناسناما وان كه‌سان، ناڤبری گوت: “هه‌ر چار ل سیریێ دژین، بناڤێن (جه‌گه‌ر حامد ل گوندێ كریادێر، ئیبراهیم یوسف ل گوندێ ئه‌رتشی، جبرائیل ئیبراهیم ل گوندێ ئه‌رتشی و رێگر نه‌سره‌ت ل گوندێ بیاری) نوكه كه‌سوكار و خه‌لكێ وان دخوازن ب سلامه‌تی بزڤڕنه مالێن خوه”.
دیسا شڤان ئه‌رتشتی ئێك ژ كه‌سوكارێن وان گه‌نجان ڕاگەهاند : “ئه‌و گه‌نجه ب مه‌ره‌ما راڤا ماسیا قه‌ستا ده‌ڤه‌را نێروه و رێكان كریه و بێ سه‌رووشوون بووینه، دیسا ئه‌و جهێ وان قه‌ست كریێ دكه‌ڤیته سه‌ر رووبارێ شین، نه‌هاتیه بوردۆمانكرن و ده‌نگێ بوردۆمانێ لێ نه‌هاتیه بهیستن”.
هندەک ژێدەر دبێژن کو ژلایێ پەکەکێڤە هاتینە دەستەسەر کرن و ڕەڤاندن ، دنهادا ماڵباتێت وان گومان تەنێ ل پەکەکێ هەنە ، ژبەر کو دپێشدا پەکەکێ بڤی ئاوایی چەندین کەس ڕەڤاندینە و پشترا تەرمێ وان ل چیای هاڤێتیە یان ژی ل هەمبەر پارەی ئازاد کرینە.
