گوتارەکا زێڕین بو بونیات نانا کوردستانەکا بهێز

دکونفڕانسا ەروەردەییا زانکویا ئەمریکی_کوردستان ل دهوکێ ، هێژا مەسرور بارزانی گوتارەک پێش کەش کر ، کو ئەڤە بوئێکەم جارە هەولەک بهێت دان و کارەک بهێت کرن ، حکومەت کار لسەر ئاڤا کرنا مروڤان بکەت ، پەروەردێ بکەتە بەرێ بنیاتێ ژبو هەمی پێشکەفتنەکێ .

دەقێ گوتارا هێژا مەسرور بارزانی ل کۆنفڕانسا پەروەردەییا زانکویا ئەمریکی_کوردستان ل دهوکێ

“زور خو بخوشحاڵ دزانم کو لڤێ کونفرانسا گرنگ پشکدارم کو تایبەتە ب گەشەپێدانا بوارێ پەروەردە و فێرکرنێ ل هەرێما کوردستانێ .لڤێرێدا دێ هەول دەم تەکەزێ بکەمە سەر ستراتیژیەتا حکومەتا هەرێما کوردستانێ یا تایبەت ب کەرتێ پەروەردە و فێرکرنێ. ل کارنامەیا حکومەتا هەرێما کوردستانێ مە ئاماژەدا کو گرنگیەکا تایبەت ب بوارێ پەروەردێ و خوندنا بڵند ددەین و دێ کار کەین لسەر پێشڤەبرن و بلند کرنا ئاستێ زانکو و پەیمانگەها و باشترکرنا دوخێ خیندنێ ب گشتی ل هەرێمێ. بێگومان نابیت ژبیرا مە بچیت کو دو ساڵێن بەرێ بسەدەما کوڕونای و قەیرانا ئابوری ، بەداخەوە دوخەکێ نە ئاسایی هاتە پێش، لێ ئەم نەڕاوەستاین و بەردەوام بوین و مە درێژی ب چاکسازیێ دا دهەمی بوارەکیدا ، ئەم لسەر پلانا خو بەردەوامین ژبو هەمەجور کرنا ژێدەرێت داهاتی کو بێ گومان ئەم شیاین ب جێبەجێ کرنا ئەڤان چاکسازیا ڤان قەیرانا تێپەڕینین. ئەم هەولەکا زور ددەین و کاردکەین دا سیستەمێ پەروەردە و خوندنا بڵند ب ئاستەکی پێشڤە ببەین کو یا گونجاو بیت دگەل سەدەیا ٢١ێ، ئارمانجا مە ئەڤەیە قوتابیێت کوردستانێ فێری ئەڤان پسپوڕی و شارەزاییانە بکەین کو ژبو بازاڕ و سەقامگیریا کوردستانێ پێتڤینە ، هەتا هاریکاربیت هەم ژبو ڤەدیتنا دەلیڤێت کاری و کێم کرنا ڕێژەیا بێکاریێ، هەمیش پشتەڤانیەکا بهێز بیت ژبو گەشەپێدانا ئابوری و ئارامیا وەڵاتێ مە. بێگومان سیستەمێ پەروەردێ یێ پەیوەستە ب قوتابی و ماموستا و خەلکێ ئەکادیمی ، ژبەر ڤێ چەندێ پێتڤیە ل چاکسازی کرنێ ل بوارێ پەروەردە و خیندنا بڵند ، سەرنج و تێبینی و پێشنیازێت هەمی ڤان ئالیان بهەند بهێتە وەرگرتن .ئەس هەردەم لڤێ باوەڕیێدامە کو ڕیبەرێت داهاتیێت گەلێ مە ل ڕییا پەروەردەیەکا تەندروست و پێشکەفتی دێ چێبن کو بنەمایا چێبونا جڤاکەکێ تەندروستە، جڤاکەک کو مروڤێن نیشتمان پەروەر و ژیان دوستا بومە چێکەن. دڤێت ئارمانجا سەرەکی ل خوندنێ بدەست ڤە ئینانا بڕوانامێ نەبیت ، بەلکو ئارمانجا سەرەکی فێربون و بلندکرنا ئاستێ ڕوشنبیری و کلتوریا جڤاکی بیت.وەک پشکەک ژ چاکسازیێ ل بوارێ پەروەردە و فێرکرنێ ، مە نیەتا پێکئانینا دەستەیەکیە کو کارێ ئەڤی دەستەی دانانا هەڵسەنگاندن و متمانەدانە ب دام و دەزگەهێت ئەکادیمی ل گور ستانداردێت نێڤ دەولەتیێت خوندنێ ب ئارمانجا پێشخستنا وان و دانانا پلانەکا ستراتیژی ژبو چارەسەرکرنا هەمی ئاریشێت پەیوەست ب بوارێ پەروەردە و خوندنێ کو دبیت ئەڤ دەستەیە ببیتە نمونەک ژبو هەمی عیراقێ. ب کوردی پەروەردە و خوندن پشکەکن لڤێ پڕوسا چاکسازیێ کو حکومەتا هەرێما کوردستانێ ئەنجام ددەت ، مەدڤێت ئەم دلنیابین کو قوتابی و دامەزراوەیێت ئەکادیمیێت مە لڤی ئاستیدانە کو ببنە هاریکارێت پڕوسەیا پێشخستن و گەشەپێدانا ژێرخانا ئابوریامە.

هەروەکی من ئاماژە پێدای کابینا نەهێ یا حکومەتا هەرێـما کوردستانێ لماوێ دو ساڵاناد ڕیبڕی چەندین قەیرانا بویەوە ، مە ژبو ڕیبڕی بونا ئەڤی دوخێ نەخوازراو ، لجیاتی ئەم پەنای بو قەری ببەین و لدیماهیکێ بارگرانیەکا زور بو نەفشی داهاتی چێ بکەین ، مە دەست ب چاکسازیێ کر و لسەر بەردەوام بین .داکو لڕێیا ڤێ چاکسازیێ ڤە دلنیابین پاشەڕوژەکا گەش لپێش خەلکێ هەرێما کوردستانێ بیت و دێ وەکەت کو دلنیابین. بەڕیزان ئەم لڤێ کونفڕانسێدا ل بەندا ڤێینە کو تیما جێبجێ کارا ئەرکا پێک بهێن ل هەمی پسپوڕ و شارەزایان ژ ماموستا و پسپوڕان ب ڕاوێژ و هەماهەنگی دگەل قوتابیان ، دائەم بزانین و بنێرین ل کیڤە ئاریشا خیندنێ و فێرکرنێ مەهەیە ، ل کیڤەژیک بهێزین دا هەم ئاریشێت خو چارەسەر بکەین ، هەم خاڵێت خو یێت بهێز پتەوتر بکەین. دڤێت پەیوەندیا نێڤبەرا ماموستا و قوتابیان خوشەویستی بیت .کو قوتابی نەچیتە خوندنێ و ژبەرکو بباوەڕیاوی ئەڤە ئەرکەکە و دایک و بابێن وی داخازێ ژێ دکەن بچیتە خوندنێ ، پێتڤیە بخازیت بخینیت ، خوشەویستی و پەیوەندیەکا تەندروست دگەل قوتابخانێ و ماموستایێت خو چێکەت. ل هەمان دەمدا پێتڤیە ماموستا و پسپوڕژی سەقایەکی چێکەن کو قوتابی ل قوتابخانێ سڵ نەکەن و ب پەروشیڤە تامەزرویا ئەڤێ بیت بزڤڕیتە قوتابخانێ و درێژیێ ب خوندنێ بدەت. مە پێتڤی یا بڤان قوتابیانە هەی ژبەرکو پاشەڕوژا مە ل قوتابخانێت ئەڤڕو دهێتە کێشان ، ئەگەر بزانین پاشەڕوژا وەڵاتێ مە دێ چاوابیت ، دڤێت ئەم بەرێ خوبدەینە پەروەردامە یا ئەڤڕو ، ئەگەر ئەم شیاین پەروەردەکا تەندروست و باش ئاڤا بکەین ، دلنیا ببن دێ شێین پاشەڕوژەکا گەشتر بو وەڵاتێ خو ئاڤا کەین. پێشتر هەول دهاتە دان کو گەنجێت مە دلسار ببنەڤە لڤێ کو پەیوەندیەکا خوشەویستی هەبیت دگەل وەڵاتێ خو، دڤێت پەروەردا مە ڤێ دیاردا نا دروست ڕێک بکەتەڤە و چێ بکەتەڤە، پێتڤیە گەنجێت مە خوشەویستیا وەڵاتی لناخێ دلێ خودا بچەسپینن و ڕێزێ ل دیروکا خو بگرن، ل دیروکێ فێربین، لێ ڕێزگرتن ل دیروکێ بوڤێ چەندێیە کو ئەم بزانین ژکیڤە هاتینە و مەچەند ئازار کێشایە و ب کیش قوناغا سەختدا تێپەڕینە و دێ چاوا شێین ڕێگریێ ل دوبارە نەبونا کارەساتێت بوری بکەین و پاشەڕوژەکا گەشتر بینا بکەین. ئەس یێ دلنیام ئەم دشێین ئەڤێ بکەین ئەگەر ئەم بشێین خوشەویستیا وەڵاتی ل ناخێ هەمی تاکێت ئەڤی وەڵاتی و بتایبەتی زاروک و گەنجان بچەسپینین.ئەڤە ئەرکێ ماموستایا و پسپوڕانە کو بڤی ڕەنگی وانا بێژنەڤە کو هەمیا حەش هەڤدو بکەن . ڕێزێ ل بیرو و بوچونێت جودا یێت ئاینی بگرن . ڕێزێ ل جوداهیا ئەتنی لناڤ هەرێما کوردستانێ بگرن.ڕێزێ ل ژینگەها خوبگرن و ب پارێزن . داخازا من ژ هەوەیێت بەڕێز ئەڤەیە کو لڤی ئەرکێ ئەم ئەڤڕو دەستپێ دکەن ، گرنگیێ بڤان خاڵابدەن، ژبو هندێ دابزانن کو مە ل پاشەڕوژێدا مە پێتڤی مە یا بڤان گەنجا هەی کو پشتی قوناغا قوتابخانێ و خوندنێ تەمام کر ، چاوا بشێن سودێ ب جڤاکێ بگەهینن، قوتابی کو ل زانکویێش تەمام دبیت ، دڤێت بزانیت چاوا دێ شێت خزمەتا وەڵاتێ خو بکەت و بەرەو پێشڤە ببەت ، مە چ ژ وەڵاتێت دن کێم تر نیە ،تەنێ ئیرادە و فێربون یا پێتڤیە. ئەم داخازێ ژ ماموستایێت بەڕێز دکەین ، ل پسپوڕان دکەین ، هەرچاوا بیت ئەڤی سیستەمێ پەروەردا تەندروست بومە ئاڤابکەن دا نەفشێ مە یێ داهاتی بشێت وەڵاتێ مە بەرەو قوناغەکا زور گەشتر و ئاوەدانتر ببەت.دلنیامە ئەم دشێین ئەڤێ بکەین ئەگەر ئەم هەمی بشێین پێکڤە کاربکەین و ب دل و ب جان هەولێ بوبدەین. جارەکا دن سوپاسیا ئامادەبونا هەوە هەمیا دکەم ، دەست خوشیێ ل هەوە دکەم ، هیڤیدارم هەر سەرکەفتی بن.