هێژا مەسروور بارزانی: ئیدارا سه‌ربه‌خو وەفاداریه‌کە بو خوینا شەهیدێن زاخۆ
هێژا مەسروور بازرانی، سەروکێ حکومەتا هەرێما کوردستانێ ئەڤرو ئیدارا سەربخویا زاخۆ راگەهاند و گوهدار شێخۆ، وەک سەرپەرشتێ ئیدارێ دەستنیشان کر.
هێژا مەسروور بارزانی د گۆتارا خۆ دا گۆت: راگەهاندنا ئیدارا سه‌ربه‌خۆ وەفاداریەکه بۆ شەهیدێن زاخۆ و هیڤیدارم ئیدارا نوی یا زاخۆ خزمەتەکا باش بۆ خەلکی دەڤەرێ بکەت.
هەروەسا گۆت: پێدڤیە مافێن زاخۆ بۆ خەلکێ زاخۆ بن و ژێ مفادار بن، هەروەسا داکو کاروبارێن خەلکی ساناهیتر بن، ئیدارەیا زاخۆ دێ شێت هاریکاریا خەلکی کەت.
دەربارەی رەوشا ئەمنی و هەبوونا شەرێ پەکەکێ و تورکیا ژی سەروکێ حکومەتێ گوت: پەکەکە بوویە سەرئێش بۆ خەلکێ دەڤەرێ، پێدڤیه هەمی ئالی رێزێ ل سەروەری و خوینا شەهیدان بگرن، ئەڤ وەلاتە ب خوینا شەهیدان هاتیە رزگارکرن و ژ چ کەسەکێ قەبویل ناکەین دەستدرێژیێ بکەنە سەر سەروەریا هەرێمێ و ببنە سەرئێش بۆ خەلکی.
هەروەسا سەرۆکێ حکومەتا هەرێما کوردستانێ داخواز ژ هەمی خەلکی ژی کر پشکداری هەلبژارتنان ببن و وان نوینەران ب هەلبژێرن یێن شیان هەین بەرگریێ ژ دەستکەفتێن هەرێما کوردستانێ بکەن.
