سەروکێ حکومەتا هەرێمێ ل گەل بالیوزێ نوی یێ فرەنسا ل ئیراقێ کوم بوو

سەروکێ حکومەتا هەرێما کوردستانێ ئەڤرو ل گەل بالیوزێ نوی یێ فرەنسا ل ئیراقێ کومبوو و هەردو ئالیان پەیوەندیێن هەرێما کوردستانێ و فرەنسا و رەوشا دەڤەرێ بەحس کرن.

مەسروور بارزانی، سەروکێ حکومەتا هەرێما کوردستانێ پیروزباهیا دەستبکاربوونا ئێریک شوڤالی، بالیوزێ نوی یێ فرەنسا ل ئیراقێ کر و سوپاسیا پشتەڤانیا پاریسێ بۆ هەرێما کوردستانێ کر.

ژ ئالیێ خۆڤە، ئێریک شوڤالی، بالیوزێ نوی یێ فرەنسا ئاماژە ب گەشەپێدانا ئابوری و ئاڤەدانکرنێ ل هەرێما کوردستانێ دا و پەسنا پرۆسەیا چاکسازیێ یا کابینەیا نەهێ یا حکومەتا هەرێما کوردستانێ دا.

مەسروور بارزانی و ئێریک شۆڤالی پەیوەندیێن هەولێر و بەغدا، هەروەسا هەلبژارتنێن ئیراقێ و گەفێن تیرورێ ژی بەحس کرن.