کرستیانێت دهوکێ پشتەڤانیا خو بو پارتی دوپات دکەن
دەنگێ بەهدینان
کرستیانێت دەڤەرا بەهدینان ب گشتی و دهوکا داسنیا ب تایبەتی ، پشتەڤانیا خو بو کاندیدێت پارتیا دیموکراتا کوردستانێ دوپات دکەن و دبێژن تەنێ پارتی مافێن وانا دپارێزیت.
لسەر ڤێ مژارێ فارس سڵێوە ئیک ژ کرستیانێت دهوکێیە ب (( دەنگێ بەهدینان )) ڕاگەهاند ” مە هندەک پڕوپاگەندە هاژێ بون کو گوایە دەنگێ مە یێ زەلال دێ بو کەسەکی بیت کو ئەندامێ گروپا جاش١٥ بویە ، ئەڤ ئێکە نەڕاستە ، ئەم دێ دەنگێ خو دەینە ڤێ حزبێ یا کو تو جوداهیەکێ دنێڤبەرا پێکهاتێت ئاینی و نەتەوی ناکەت ، ئەم دێ دەنگێ خو دەینە حزبەکێ کو هەردەم مە نێنەرێت کرستیان تێدا هەبن ، ل کوردستانێ تەنێ پارتیا دیموکراتا کوردستانێ ئەڤ چەندە یاهەی، لەوما دەنگێ مە ژبو کاندیدێت ڤێ حزبێیە “.
هەروەسا نەتالیا شەمعون کو خوندکارا زانکویە لسەر هەمان مژارێ گوت ” ئەس گەلەک ژ سەروک بارزانی حەز دکەم ، سەروک مەسعود بارزانی و بابێ وی ڕەحمەتی مەلامستەفا بازرانی هەردەم دخزمەتا خەلکێ مەدابویە ، باپیرێت مە ڤەدگێڕن کو بارزانیێ باب چ جاران جوداهی دنێڤبەرا پێکهاتاندا نەکریە ، نهاژی ئەم چ جوداهیا نابینین ، ماڵباتا بارزانی گەلەک ژ کرستیانان حەزدکەت ، نەهێلایە چ جاران زولم لمە بهێت کرن و ئەم دهەمی کایێت ڤی وەڵاتیدا پشکدارین ، ئەسڵەن ئەز و هەڤالێت خو یێت بسڵمان و یێت ئێزدی لسەر ئێک مێزێ دانیشن و ئەم وەک کوردستانیەک دگەل ئێک کەیفێ دکەین ، ئەس پشتەڤانیا وان کاندیدا دکەم یێت کو سەروک بارزانی ژبوی مە دیاری کری”.
