داخازا سزادانا دو سیاسیان دهێت کرن کو بخیانەتا نیشتیمانی تومەتبارن
دەنگێ بەهدینان
لسەر دژایەتی کرنا ڕیفراندوما سەربخوییا کوردستانێ کو ژلایێ ( شاسوار عەبدلواحد ) هاتە ئەنجامدان ، هەروەسا خیانەتا ١٦ێ ئوکتوبەرێ کو تەمامکارێ هەمان پێنگاڤا شاسواری بو کو ژلایێ ( لاهور تلیاکچی ) و گروپا ویڤە هاتینە ئەنجامدان ، چالاکڤانێت کەرکوک و سلێمانیێ دخازن هەردو بهێن دادگەهکرن و سزادان .
لسەر ڤێ مژارێ پوڵا نەجمەدین چالاکڤانێ جڤاکا سڤیل ب (( دەنگێ بەهدینان )) ڕاگەهاند ” شاسوار عەبدلواحد لسەر خاترا بازرگانیا خو و ب هاریکاریا ماددیا چەند ئالیەکێت دژە کوردستان ، دژاتیا ڕیفراندومێ کر ، ئەو پێنگاڤا دیروکیا کو دونیا هەمی هەژاندی و دیموکراسیەت و مافێن مروڤا شەرمەزارکری ، مخابن لدەستپێکێ شاسوار ببەرنامە و بڕێیا کەناڵا خوڤە زەمینە بوڤێ چەندێ سازکر کو خەلکی هانبدەت دژی بنەمایێت نەتەوی و نیشتیمانی ، پشتڕا دەست کر بدژاتی کرنا ڕیفراندومێ ، ناچێبیت ئەڤە لسەر ویدا بچیت ، ئەڤە خیانەتا نیشتیمانیە و ب یاسایا هەمان ئەو عیراقا وان پڕوپاگەندە بو دکرین ، ئەوان خیانەتا نیشطیمانی یاکری و دڤێت لسەرڤێ چەندێ ژیک بهێن سزادان ، دا توکەسەک زاتێ هندێ نەکەت ڤان کریاران دوبارە بکەت”.
هەروەسا کەمال عەلی ئێکە ژ خەلكێ کەرکوکێ ، ب (( دەنگێ بەهدینان )) ڕاگەهاند ” دڤێت ئەو کەسێت کو بخیانەتا ١٦ێ ئوکتوبەرێ ڕابوین بهەرنرخەکی بیت بهێن سزادان ، ئەڤ برینا مەزن ب سێدارەدانا وانژی ناهێت تیمارکرن ، دڤێت دیماهیک ب کلتورێ خیانەتێ بهێت ئینان ، خیانەت لدەف ڤان مروڤا یا بویە کلتور ، ژئەڤە ژ ساڵێت شێستایە تانها چەندین نەکسە ب دوزا کوردی کەتینە بسەدەمێ خیانەتێ ، ئەرێ هەتا کەنگی ئەم بهێلین خیانەت کار درێژیێ بڤی کلتوری بدەن “.
