یوسف زیاد : ٢٥ ساڵ لناڤ پەکەکێدا من چ دیت؟
دەنگێ بەهدینان
یوسف زیاد بەرسێ بەرێ یێ ڕاگەهاندنا پەکەکێ چەند زانیاریەکان ئاشكەرا دکەت لسەر ئەڤێ ڕێکخراوێ کو بو جارا ئێکێیە دەنگێ بەهدینان بەڵاڤ دکەت ، کو تێدا چەندین تاوانێن دژی مروڤان ئاشکرا دکەت کو لناڤا پەکەکێدا دهێنە ئەنجامدان .
یوسف زیاد بەرپرسێ بەرێ یێ ڕاگەهاندنا پەکەکێ دبێژیت ئەس ٢٥ ساڵان لناڤا پەکەکێ بوم من ئەڤە هەمی دیتن لناڤا ئەڤێ ڕێکخراوێ ” تلیاک خور و تلیاک فروش من دیتن ، ڕاهێنان و سەردابرنا زاروکان من دیت ، ب بارمتە گرتنا سڤیلان من دیت ، سڤکاتی کرن ب ئاینێ پیروزێ ئیسلامێ من دیت ، من کارێت بێ ڕەوشتی دیتن ” ، ئەو کریارێت تیرورستیێت پەکەکێ ئاشكرا دکەت و دبێژیت ” من تەقینەوە و تیرور و بومب دانان دیتن ” ، هەروەسا ئەڤێ چەندێ دسەلمینیت کو پەکەکە کرێ گرتیا دەزگەهێن هەوالگەریێت هەرێمییە و دبێژیت ” من کومبونێت سەرکردەیێت پەکەکێ دیتن دگەل حزبوڵایا لبنانی و دەزگەهێت هەوالگەریێت سوریا و ترکیا و عیراقێ و ئیرانێ ” .
لسەر پێشێل کرنا سەروەریا هەرێما کوردستانێ ژ ئالیێ پەکەکێڤە دبێژیت ” من داگیرکرنا ئاخا هەرێما کوردستانێ دیت، لێ من ئازاد کرنا پێنج مەترێت ئاخا باکور نەدیتن ژلایێ پەکەکێڤە ” ، بەحسێ ئەڤان زاروکان دکەت کو ژلایێ پەکەکێڤە هاتینە ڕەڤاندن و دبێژیت ” هزاران زاروک من دیتن کو ژلایێ پەکەکێڤە دهاتنە ڕەڤاندن ، گەلەک ژوان لنێڤبەرا ژیێ ١٠ بو ١٤ ساڵیێ بون و ژبوی دەیک و بابێن خو دکرە گری “.
لسەر ڕێگری کرنا وی و ئەو کەسێن دن یێن کو ئەڤ ڕەفتارێت پەکەکێ بدلێ وانا نەبونە دبێژیت ” چەندین جارا مە پەکەکە ڕەخنە دکر لسەر ئەڤان ڕەفتارێت نالوژیک ، لێ وانا بەرسڤامە بڤێ ددا کو ئەو ڕاهێنانا ب زاروکان دکەن لسەر هەستێ بەرگری و نەتەوی ” ، ئەو هزرا کو پەکەکێ دناڤا مەژیێ ئەڤان زاروکاندا چاندی بڤی ڕەنگی بەحسێ دکەت ” ئەو هزرێت وان دمەژیێ زاروکاندا دچاندی بریتی بو ل کەرب و کین و ڕاهێنان ل سەر کوشتنێ و بومب ڕێژکرنێ و خو پەقاندنێ ، ئەڤە بتەنێ لناڤا گروپێن تیرورستی دهێتە دیتن “.
ئەڤ گوتنێت یوسف زیاد بەرپرسێ بەرێ یێ ڕاگەهاندنا پەکەکێ ل نڤیسینەکێدا دهێن کو ل تەموزا ٢٠١٩ ێ ل نیوزلەندا نڤیسیە وبەڵاڤ کریە ، ئەوژی پشتی کو ڕێزێن ئەڤێ ڕێکخراوا تیرورستی بەر ددەت .
