ماموستایەکێ زانکوی: ئەو ئالیێ خاینەک پشتەڤانیێ بکەت دڤێت ئەوژی خاین بیت
ماموستایەکێ زانکوی: ئەو ئالیێ خاینەک پشتەڤانیێ بکەت دڤێت ئەوژی خاین بیت
دەنگێ بەهدینان
ئاراز حەمە سەعید ، ماموستایێ زانکوی و چاڤدێرێ سیاسی لسەر پرسا پشتەڤانی کرنا ( جەمیل بایک ) سەرکردێ یاخیێ پەکەکێ ژ کوردینیێ بو ئێکەتیێ ، ب (( دەنگێ بەهدینان )) ڕاگەهاند ” نەتشتەک نویە کو بەرەیێ خیانەتێ پشتەڤانیا هەڤدو بکەن ، گەلەک جاران خاین ژ دو وەڵاتێن جودا پشتەڤانیا هەڤدو دکەن ، یان دو ڕێکخراوێن تیرورستی یێت ژێک جودا پشتەڤانیا هەڤدو دکەن ، لەوما پشتەڤانی کرنا جەمیل بایکێ یاخی ژ کوردینیێ نەتشتەک نویە “.
هەروەسا گوت ” جەمیل بایک ئێکە ژ ئەڤان سەرکردێت پەکەکێ یێ هەردەم دژی دوزا کوردا کارکریە و ڕێ خوشکەربویە ژبو تێکدانا تفاقا کوردا ، هەردەمێ کورد ل ڕوژئاڤا نێزێکی هەڤدو ببن ، ئەوی ژێک دورکرینە و ئاریشە دناڤبەرا واندا چێکرینە “.
گوتژی ” ئێکەتی ئێکە ژ ئەڤان حزبێت کو دچەندین قوناغێن دیروکیدا ب خیانەتێ تێوەگلایە و خیانەت کریە ، ١٦ێ ئوکتوبەرا ٢٠١٧ ێ زندی ترین نمونەیە ، لەوما پشتەڤانی کرنا بایکێ یاخی کارەک نورماڵە و توکەسەک گوهێ خو نادەتێ ، ژبەرکو ڕاستیێت وان بو ملەتێ کورد ب گشتی و دەڤەرا سلێمانیێ ب تایبەتی دەرکەتیە ، هەمی دزانن ئارمانجا وان دژاتی کرنا دوزا کوردا و وان کەس و ئالیانە یێت کو ژبو کوردستانێ خەباتێ دکەن”.
هەروەسا گوت ” پڕانیا ئەو سەرکردێت نەتەوی یێت کو ل سلێمانیێ هاتین هەدەف کرن ، ئەون یێت کو ب تەنسیقا ئێکەتیێ و جەمیل بایک و میتێ هاتین هەدەف کرن ، پشتەڤانی کرنا بایک بو ئێکەتیێ ڤێ چەندێ دوپات دکەت کو ئەو زانیاریێن دهێن بەلاڤ کرن لسەر تێوەگلانا وان د هەدەف کرنا فەرماندێت پەکەکێ دڕاستن “.
