چاڤدێرەک: دەنگدان بـ غەیرە پارتی دەنگدانە بـ چێکرنا جاش و نوکەران

دەنگێ بەھدینان

لسەر پێتڤی بون بـ دەنگدانا خەلکی بـ کاندیدێت پارتی دیموکراتی کوردستان ، کاروان کەمال چاڤدێرێ سیاسی بـ (( دەنگێ بەھدینان )) ڕاگەھاند ” دڤێت خەلکێ مە دو ساڵێن بوری ژبیرنەکەت ، چاوا ھەمی حزب ببونە نوکەر و کرێ گرتیێت بەغدا و لیستیێت دژە کوردستانی ، دیماھیک کریارا وان پێک ئینانا گروپەکێ بو بناڤێ ھیوا یا بەرنیاس لـ شەقامێ کوردی بـ جاش١٥ـە ، ژبلی پارتی ھەمی حزبێن دن تێدابون کو ئارمانجا وان دژاتی کرنا کوردستانێ و قوتێ خەلکێ مەبو، لەوما دەنگدان بـ غەیرە پارتی دەنگدانە بـ چێکرنا جاش و نوکەران “.

ھەروەسا گوت ” دڤێت لـ پێش چاڤێت مە بیت ، کو پارتی حزبەکا جەماوەریا مەزنە ، ھەمی ئول و ئاین و نەتەوێت کوردستانێ پشتەڤانیێ لێ دکەن ، سەدەمێ ڤە چەندێ ژی ئەڤەیە کو تەنێ ئەڤ حزبە کاردکەت ژبو ئایندێ کوردستانێ ، تەنێ ئەڤ حزبە دەنگێ دلێر  و ڕاستەقینەیێ کوردستانیانە”.

ددیماھیکێدا گوت ” ھیڤیدارم دەمێ خەلک دچنە سەر سندوقێت دەنگدانێ بـ ویژدانڤە لێ بنێرن کا کێ شەڕ بو مافێت وان کریە و کێ مافێت وان ژبو بەرژەوەندیێت خو بکار ئیناینە و خەلک کریە قوربانی بو حەزێت چەپەڵێت خو “.