چما بەھدینان ژ خەوا گران رانابیت؟!

 

چما بەھدینان ژ خەوا گران رانابیت؟!

نڤیسانا : ھۆگر نێروەیی

گەلەک جاران ژ ئالیێ پارتێن دن مینا یاریپێکرنێ دبێژن بادینان کەنگی دێ ژ خەوا گران رابیت، ب تنێ خەونا ب ئێک رەنگڤە دبینیت، کوە مەبەستا وان پرانیا خەڵکێ بەھدینان پارتی یە، بۆ میناک بادینان چاوا ژ خەوا گران رابیت، قوماشێکی نیلی و کەسک و قەھوەیی ل بەژنا خوە ب ئالینیت کوە ل داویێ تەڤ رەنگێت وان ئێک قوماشن و ئێک میتودێ ھەی، یان ھەر دەنگێ خوە ب پارتی نەدەن، چڤینان ب پارتی بدەن، کەرب و کینێ ژ پارتی ھەلگرن، تەڤ پارت و بەرە و لایەن باش بن ژ ئالیێ وان تنێ پارتی نەبیت، وی دەمی دێ رەوشەنبیر چاڤ ڤەکری بن! ئەگەر گوتنا وەبیت پارتی خرابە کیژان پارتا دن باشە، کیژان پارت ئەلتەرناتیڤا پارتی یە.

ل وان باژارێن کوە پارتی دەسھەلاتدار نینە چو تشت ھەیە ل وان باژاران نەبیت کوە پارتی دەسھەلاتدار بیت، ئێک ئەزمون ئێک دەستکەفت دکارن بێژن کوە پارتی کارەکتەرا سەرەکی نەبیت ب سەدان ئەزمونان دێ بێژم کوە ئەو پارتێت وە پێ باش نە دوور نە نێزیک پەیوەندی پێڤە نەبوویە. ئێک پرۆژە بێژن کوە تەڤ پارتێت عەلمانی و ئیسلامی بۆ بەھدینان کردبیت یان ھەر دبەرنامێ وان دابیت کوە ل داھاتی دا تشتەکێ باش بۆ بەھدینان ب گشتی بکەن! دێ ب دەھان پروژان بێژم کوە پارتی بۆ وی خەلکی دروست کرینە کوە ل ژێر دەسھەلاتا وان پارتێت وە پێ باشن! چاوا باوەریێ بۆ بەھدینییەکێ چێکەن کوە دەنگی ب پارتی نەدەت دەنگی ب پارتێن دن بدەت.

دەنگی ب پارتێت ئیسلامی بدەت، کوە دوکەل و جەستێ وان ل کوردستانێ یە، بەرھەم و ئایدۆلۆژیا وان بۆ ئیخوانایە و دلێ وان بۆ فڵسطین و تالیبان لێ دەت! ئەردوغان و مورسی بباش دزانن ب خەلیفێ موسلمانان دزانن دگوتێنێت وان دەرناکەڤن
بانگەوازا ئیسلاما سیاسی دکەن، کوە ل دەمەکێ شەرێ مە ل بەغدا شەرێ بانگەوازا ئیسلامێ نینە بەڵکو شەرێ نەتەوە و ئاخ و زمانە کوە ھەیا نھا شوفێنیێت عەرەبێت دەسھەلاتدار دان پێدانێ مە کوردان ناکەن.

دەنگی ب گۆڕان و نەوەی نوێ و پارتێن دن یێت بچوک بدەن کوە ب تنێ ل ئێک دوو مەھێت ھەوا بانگەشا ھەلبژارتنان ھەبونا وان ل بەھدینان ھەیە، بۆ دوو مەھان بارەگایێت خوە ب کرێ دگرن نە زێدەتر، ھەر لەز لەزا وانایە دەنگ دان داوی بھێت کیسکێ دەنگێت خوە ل بەھدینان ببەن و بازبدەن ل ڤر نەمینن! ل دەما ھەوا بانگەشا دەنگ دانێ ب سەدان بارەگا و مەکو یێت ھەین لێ ھەر دەنگ دان ب داوی بھێت خەلک نزانیت ل کیرێ سەرەدانا وان بکەت چونکە ل ڤر نامینن بارەگایێت خوە دادئێجن!

دەنگی ب یەنەکێ بدەن، کوە چوجاران بەحسێ بەھدینان ناکەن ھەر تنێ شەری ب سلێمانیێ دکەن، ماوەکێ ژی بەحسا لامەرکەزیێ دگەل ھەولێرێ دکر بۆ ھندێ مەرکەز بن دگەل بەغدایێ، ھەر تنێ بەحسێ سلێمانیێ و موچێ سلێمانیێ دکر، دخەما خەڵکێ سلێمانیێ ژی نینن کوە شەری بۆ وان بکەن بەڵکو ب تنێ شەری ب خەڵکێ سلێمانیێ دکەن، خزمەتا وان ب تنێ ئەوە دبێژن پارتی خرابە! مینا کالەیەکێ بکاردئینن ھەر جارێ ب ڕەنگ و بەرگەکێ نوی ب خەڵکی دفروشن ئەگەر ھەر ھەمان کالایە کوە ب گوتنا وان پارتی خرابە. گەر توڤێ ئیرھابا فکری دمەژیا خەڵکی دا نەچاند بوو دەمەک بوو ل سلێمانیێ دەرئێخست بوون.

باندورا ئیرھابا فیکریا وان ھند زۆرە، ھەیا وی ڕادەی ب بێژن زاراڤێ بەھدینان ل زمانێ فەرەنسی ب زەحمەت ترە، ھەیا نھا ئێک بەرپرسێ وان یێ سۆرانی ب زاراڤێ بەھدینی نەپەیڤیە، ب دەستێ وان بیت دێ بەھدیبان ل سەر نەخشێ جوگرافیا کوردستانێ ژێبەن، ھەتا وی رادەی ھندەک جاران بەھدینیان ب کورد ھەژمار ناکەن، ئێک تبل و ئەزمانێ وە بزانن بەھدینییە دێ قوت کەن!

خەڵکێ بەھدینان چاڤێت وان شەش ل سەر شەشێ نە، ھەمی تشتا دبینن کورە نینن، گوھێت وان ژی زۆر باشن ھەمی تشتا دبھیستن کەڕ نینن، ب قورئانێ ب ئینجیل و زەبور و تەوراتا ب قودسا وە کوە ھەوە ل مەزادێ دا خەڵکێ بەھدینان باش دزانیت ل ناڤ پارتی دا ژی دا کێماسی زۆرن و گەندەلی ژی ھەیە لێ دگەل ھندێ رابردوویا پارتی پڕە ل سەروەریان و نھا ژی خزمەتەکا بەرچاڤ دکەت پڕە ل خزمەتگۆزاریان بۆ ئایندەکێ باشتر. لێ پارتێت دن خالین ل خزمەت و خزمەتگۆزاریا و پڕن ل گەندەڵیا کوە ھەر ئێک ژوان دەھ جاران تەمەت قەبارێ خوە گەندەلی ھەیە، گەر سبەھی حوکمڕانیێ وەربگرن دێ چەند جاران ھندی پارتی گەندەلیێ کەن، ھەر ھزر تێدا نەکەن دێ زێدەتر ژ برا عەرەبێت خوە ل عیراقا عەزیم گەندەلیێ کەن کوە چو ولات ل سەر ڤی گەردونی نینن تەمەت دەسھەلاتدارێت عیراقێ گەندەلیێ بکەن بێی ھەبونا چو خزمەتگوزاریان.

بەھدینان ب گشتی ل خوەشی و نەخوەشیا ل شەری و ئاشتیێ و ل ئاوەری و دەربەدەریێ ب تنێ ئێک خوەدی دیت لێ ئەو ئیرھابا فکری نەبیت کوە ھنگو توڤێ وێ ب رق و کینە چاندی ھەمبەری پارتی ل سلێمانیێ دێ ھنگو دەرئێخن ل باژاری کوە ژبلی پارتی خرابە چوو تشتێت دن ھنگو بۆ نەکریە.