ژبو لاوازکرنا پێگەھێ کوردا لـ بەغدا ھاریکاریا چەند میدیایەکێت کوردی دھێت کرن
دەنگێ بەھدینان
لـ گور زانیاریێن (( دەنگێ بەھدینان )) چەند کەس و ئالیەکێت سیاسی پشتەڤانیا مادی یاچەند میدیایەکێت کوردی دکەت ژبو ئێرش کرنە سەر پارتی و جەماوەرێ ڤێ حزبێ ، حسێن حەڕبی چالاکڤانێ سیاسی لسەر ئەگەرێ ئەڤێ ھاریکاریێ دبێژیت ” ڕاستە پارتی لـ کورداتانێ و ژبو خەلکێ کوردستانێ کاردکەت ، لێ ئەڤە دبیتە سەدەمێ نەڕازیبونا شەقامێ عیراقی ژ حزب و ئالیێت شیعی بـ تایبەت کو دەسەڵات ددەستێ واندایە و داخازا ئەڤان خزمەت گوزاریان دکەن یێت کو پارتی لـ ھەرێما کوردستانێ بەرھەڤ کرینە “.
ھەروەسا پێگەھێ عیراق ئەلجەدید بەلاڤ دکەت کو ھەمی ئەو حزبێت کو لـ پەرلەمانێ عیراقێ دژاتیا ھەرێما کوردستانێ دکەن بـ سەدەمێ پێشکەفتنا وێ ، دنھادا پشتەڤانیا مادی یا میدیایێت ئێکەتی و گوڕانێ و نەوەی نوێ دکەن ، دا پێگەھێ کوردا لاواز بکەن لـ بەغدا .
لـ سەرڤێ مژارێ ، کەمال سەعدی چاڤدێرێ سیاسی بـ (( دەنگێ بەھدینان )) ڕاگەھاند ” ئەڤ ھەولە ھەمی دنەزوکن و نەیار و نوکەران چ جارا نەشیایە ئیردا پارتی و پارتیان بشکێنن ، دژاتی کرنا ئەڤان کەسا ژبو پارتی دیار دکەت کو بـ تەنێ پارتی خەباتێ دکەت ژبو دەست کەفتێن زێدەتر و پاراستنا مافێن کوردا ل بەغدا ، ئەف ئێکە ڤێ چەندێ پشتڕاست دکەت کو پارتی خودان ھێز و سەنگە ، لەوما دوژمن و نەیار بوینە ئێک دژی ڤێ حزبێ ، لێ بلا ئەو بزانن کو دێ ملەت ڤێ جارێژی پارتی کەتە حزبا ژمارە ئێک لـ سەر ئاستێ عیراقێ”.
