پەرلەمانتارەک زانیاریێن نو لسەر نافچەیێن سنوری ئاشکەرا دەکەت
دەنگێ بەهدینان
ئەندامەکێ پەرلەمانا عێڕاقێ زانیاریێن نو لسەر شەڕێ ترکیا و پەکەکێ ل نافچەیێن سنوری ئەشکەرا دکەت و سێ پێشنیاران ژبو چارەسەرکرنا ئەڤی شەڕی ددەنە ئالێین ژێ پرس.
دکتور ناسڕ هەرکی ئەندامێ لێژنا ئاسایش و بەرگریێ ل پەرلەمانا عێڕاقێ پشتی سەرەدانا لێژنا هەڤبەشا پەرلەمانی بو نافچەیێن سنوری چەند زانیاریەکان ئاشکەرا دکەت و ڕادگەهینیت ” بسەدەما شەڕێ ترکیا و پەکەکێ خەلکێ سڤیل ئاوارە بونە و ژ نافچەیێن خو دەرکەتینە ، تا نها چەند گوند هاتینە ڤالاکرن ” ، هەرکی دبێژیت ” ئەم دگەل خەلکێ نافچەی ئاخفتین و مە زیانێت وان نڤیسینە د ڕاپۆرتەکێدا ئەم دێ دەینە سەروکاتیا پەرلەمانێ عێڕاقێ “.
ئەندامێ لێژنا ئاسایش و بەرگریێ ناڤەڕوکا ئەڤێ ڕاپورتێ ئاشکەرا دکەت و دبێژیت ” ڕاپورت ل سەر سێ تەوەرێن سەرەکی پێکدهێت ئەوژی کو تەوەرێ ئێکی ل سەر ئەڤێ چەندێیە کو دڤێت سنورەک ژبو ئێرشێن ترکیا بهێت دانان ، تەوەرێ دوێ سەدەمێ هاتنا ئارتێشا ترکیایە ، ئەوژی کو پەکەکەیە دڤێت بهێت چارەسەر کرن و چێ نابیت پەکەکە ببیتە ڕێ خوشکەر ژبو هاتنا ئارتێشا ترکیا ، زێدەکرنا ئەژمارا پارێزڤانێت سنوری ل نێڤبەرا هەرێما کوردستانێ و ترکیا “.
ئاشکەراش دکەت کو سەدەمێ چونا ئەڤێ لێژنا هەنێ پشتی تیرورکرنا چەند بەرپرسەکێت ئەمنی و شەهید کرنا پێشـەرگەی دهێت ژ ئالیێ پەکەکە و ئاوارە بونا هزاران خێزانان ل دەڤەرا بەهدینان .
