چاڤدێرەک: ئیرھابا فکری شکەست ئینا و ملەتی ئەو سزادان

دەنگێ بەھدینان

پشتی بەلاڤ کرنا ئەنجامێت بەراییێت دەنگدانا پێشوەختەیا عیراقێ و سەرنەکتنا چەند کاندیدەکێت بێ لایەن و بـ لایەن ، چەندین ئاخفتن لسەر ڤێ مژارێ ھاتن کرن ، حەسەن جاسم چاڤدێرێ سیاسی لـ پەڕێ خو یێ فەرمی لـ توڕا جڤاکیا فەیسبوکێ دنڤیسیت ” سەردەمێ ئیرھابا فکری بسەرچو و ھەلگرێت ڤێ ھزرێ ڕیبڕی شکەستەک مەزن بون ، ئیدی ژبو ئالیێن سیاسی ھات سەلماندن کو جڤاکێ پێتڤی بـ خەبەر و ئاخفتنێت نەشرین نینە ، بەلکو پێتڤیا بـ خزمەتێ ھەی “.

ھەروەسا دبێژیت ” دەرنەچونا سەرکەفت شەمسەدین و ئەحمەدێ حەجی ڕەشید و غالب محمەد ، سەلمێنەرێت ئەڤێ ڕاستیێنە ، ئەوان گەلەک دژاتیا بەرژەوەندیێت کورد و کوردستانێ کر ، گەلەک ئاخفتنێت کرێت لـ سەر شاشێن میدیایا گوتن ، ئەڤەژی بو ئەگەرێ ڤێ چەندێ کو خەلک ئیدی متمانەی پێ نکەت “.

لـ دیماھیکێدا دبێژیت ” دڤێت ئەڤە ببیتە دەرسەک بو ھەمی ئالیێت سیاسی و بـ تاێبەت یێت ڕکابەرێت پارتی کو خەلکی خزمەت دڤێت ، خەلک یێ بێزارە ژ ئاخفتنێت کرێت ، سەدەمێ زیاد بونا دەنگێ پارتی ئەو خزمەتەیە یا کو بەردەوام پێشکەشی خەلکی دکەت بێ جوداھی ، لەوما دڤێت دەستا ژ ئیرھابا فکری بەردەن و ئیدی بێنە ناڤا خەلکیدا و مینا پارتی خزمەتا خەلکی بکەن “.