ناڤەندا ڤەکولینا دەنگێ بەھدینان: سەدەمێ شکەستا کومەڵێ نە نیشتیمانی بونا وێ بو
دەنگێ بەھدینان
لـ دور ئەنجامێت ڤەکولینەکێ کو ژلایێ ( ناڤەندا ڤەکولینا دەنگێ بەھدینان ) ھاتیە ئەنجامدان ، سەدەمێ شکەستا کومەڵێ ژبو ئەڤان ھەلوێستان دڤەگەڕێت یێت کو ڤێ حزبێ وەرگرتین ھەمبەر ماف و دوزێت جودا جودا یێت خەلکێ کوردستانێ .
ھەروەسا میدیایێت چەواشەکارێت ئەڤێ حزبێ و ئەو کەسێن کو خو بـ سەرکردێت ڤێ حزبێ دزانن سەدەمەکێ دن یێ سەرەکە بون ، ھەلوێستێت ئەحمدێ حەجی ڕەشید و دەست تێکھەلیا وی لـ نە شاندنا موچێ فەرمانبەرێت ھەرێما کوردستانێ وەکر کو خەلک وان سزا بدەت .
ھەروەسا سەدەمەکێ دن ئەڤە بو کو تەنێ ئەو کەسێن دەردورێ ئەمیرێ ڤێ حزبێ دئینانە پێش ، مینا عەبدلستار مەجیدێ زاڤایێ ئەمیرێ ڤێ حزبێ ، ھەروەسا بێدەنگیا سەرکرداتیا کومەڵێ لـ ھەمبەر لێدوانێت پەرلەمانتارێت وێ ئەوێن کو دخاست قەوارا ھەرێما کوردستانێ نەمینیت ، سەلماند کو کومەڵ نە حزبەکا نەتەوییە و تەنێ مینا گروپەک نوکەر کاردکەن ، ھەروەک نڤیسەرەک بماڤێ کەمال شارەزوری دبێژیت ” کومەڵ تەنێ بناڤ حزبە ، بـ کار و کریار تەنێ گروپەکا نوکەریە و کار ژبو دوژمنان دکەت لـ پێناڤ بەرژەوەندیێت کەسی “.
ھەروەسا ھەلوێستێت خراپێت ڤێ حزبێ لـ ھەمبەر دوزا کوردا و مافێن کوردستانیا لـ بەغدا و گوھڕینا پاشناڤێ ئیسلامی بو دادگەری سەدەمێت سەرەکە بون ژبو شکەستێ ، ئیدی کومەڵ ژ حزبەکێ دێ بیت گروپەکا سیاسیا گومان لێ کری و کاریگەریا وێ دێ کێمتر بیت ژ کاریگەریا ڕێکخراوەکا جڤاکا سڤیل.
ناڤەندا ڤەکولینا دەنگێ بەھدینان
