دەستێ نوکەر دهێت ئاشکەراکرن لسەر گرتیێت کەرکوکێ
دەنگێ بەهدینان
ل گور زانیاریێن (( دەنگێ بەهدینان )) کو ژلایێ ژێدەرەکێ تایبەت ل ڕێزێن ئێکەتیێ بدەست کەتینە ، بویەرا شەڤا بوری و گرتن و دەستەسەر کرنا گەنجێن کورد ل کەرکوکێ سەدەم تەقەکرن بو بسەر ئەو کەسێن ئاهەنگ دگێڕاین و هێزێن تەناهیێ، ئەو ژی دەری ئاشکەرا کر کو ئەو کەسێن تەقە کرین بفەرمانا لاهور جەگی ئەف کارە کربو ، هەروەسا ئاشکەرا دکەت کو ئەو چەکدار ژ ئەڤان پارێزڤانا پێکدهاتن ئەوێن کو پارێزڤانیا نڤیسینگەها بانگەشەیا ئاڵا تاڵەبانی دکر.
هەروەسا گوت ” ئەڤە تشتەک سروشتیە کو هەردەم ئەو تاقما خیانەتکار هەولا چێکرنا ئالوزیان دایە ل کەرکوکی ب تایبەت شەڕێ نەتەوی و تێکدانا ڕەوشا پێکڤە ژیانێ ، لسەردەمێ حوکمێ کوردی لڤی باژێڕی و نهاژی کو سەردەمێ داگیرکاریێ یە ئەڤ کارە هەر بەردەوامە “.
هەروەسا گوت ” هێزەکا زور ژ لیوایا ٦١ مداهما شوڕیجەی کر و ٣٥ گەنج دەستەسەر کرن ، هەروەسا ل ڕەحیماوەی ٢٩ کەس دەستەسەر کرن “.
گوتژی ” ئەوان موبایلێت گەنجان دپشکنین و هەر کەسەکێ ئاڵایێ کوردستانێ یان لوگویێ پارتی یان وێنێت ڕەمز و سیمبولێت کوردی تێدابان ، دهاتن دەستەسەرکرن ، ئارمانج لڤێ هەوڵا لاهور تلیاکچی ڤەشارتنا شکەستا خویە”.
