چاڤدێرەک: سەرکەفتنا پارتی یا چاڤەڕێ کری بو
دەنگێ بەهدینان
ل هەلبژارتنێن پێشوەختێن جڤاتا نێنەرێن عیراقێدا ، پارتی دیموکراتی کوردستان جارەکادن بو هێزا ئێکێ و ئەژمارا کورسیێن خو ل ٢٧ کورسیان کرنە ٣٤ کورسی ، لسەر ڤێ مژارێ هەلکەفت ڕەسول چاڤدێرێ سیاسی ب (( دەنگێ بەهدینان )) ڕاگەهاند ” سەرکەفتنا پارتی لڤێ هەلبژارتنێ یا چاڤەڕێ کری بو ، زێدەبونا کورسیێن وی ژلایێ ئەکادیمیستانڤە یا بەرچاڤ بو ، سەدەم ژی ئەوە کو پارتی ل دەستپێکا کابینا نەهێ تانها کارێت مەزن ئەنجامداینە ، چاکسازی ئێکە ژ ئەڤان کریارێت کو خەلک هاندای متمانێ ب پارتی بکەن”.
هەروەسا گوت ” تانها هەمی لیستا پەرلەمانتار ل بەغدا هەبونە کو دژی بەرژەوەندیێت هەرێما کوردستانێ کار کریە ، لێ تەنێ پارتی ئەڤە نەبویە ،ئەو مەرکەزیەتا لناڤا پارتیدا هەی ، لناڤ چ حزبێن دندا نینە ، لەوما چ جارا خەلکێ کوردستانێ گومان نابن کو دێ پەرلەمانتارێت ڤێ حزبێ ل خەلک و حکومەتا کوردستانێ هەلگەڕێن”.
گوتژی ” بەڕەڤانیا پارتی ل قەوارا هەرێما کوردستانێ ، دڵسوزیا وێ بوخەلکی و گرتنەبەرا سیاسەتا پێکڤە ژیانێ و پاراستنا مافێن پێکهاتەیان ئەڤە هەمی ئاماژەبون کو دێ پارتی ئەڤێ سەرکەفتنا مەزن بدەستڤە ئینیت “.
ل دیماهیکێدا گوت ” ئەڤ سەرکەفتنە نەب تەنێ ژبو پارتی و جەماوەرێ وێیە ، بەلکو ژبو تەڤایا خەلکێ کوردستانێیە ، ژبەرکو ئەو هەمی کوردستانێ دپارێزن و بەڕەڤانیێ ل مافێن هەمی هاوڵاتیێت کوردستانێ دکەت”.
