شکەستا پەکەکێ لـ ھەلبژارتناندا ڕەتکرناوێیە ژ ئالیێ خەلکێ باشور
شکەستا پەکەکێ لـ ھەلبژارتناندا ڕەتکرناوێیە ژ ئالیێ خەلکێ باشور
دەنگێ بەھدینان
لـ ھەلبژارتنا بەروەختا جڤاتا نێنەرێن عیراقێ ھەمی ئەو ئالیێت کو دژاتیا ھەرێما کوردستانێ دکری شکەستنەک مەزن ڕیبڕی وان بو ، ئێک ژ ئەڤان ئالیێت کو ددیروکا خودا بەردەوام کار لـ دژی خەلک و قەوارا ھەرێما کوردستانێ کریە ، ڕێکخراوا تیرورستیا پەکەکێ یە ، چار کاندید ھەبون لـ سەر ئاستێ ھەرێما کوردستانێ ، ھەر چار دەرنەچون و دەنگەک کێم بدەستڤە ئینا .
یوسڕا ڕەجەب ئەنداما گروپا جاش ١٥ـە ، لـ ساڵا ٢٠١٨ لسەر لیستا نەوەی نوێ ھات بەربژارتن و چو پەرلەمانا عیراقێ بـ نێنەراتیا پەکەکێ ، لێ لڤێ ھەلبژارتنا ئەفساڵدا شکەست ئینا و تەنێ ( ٢٥٩ ) دەنگ ئینان ، ئەڤەژی ژبو ڕولێ وێ یێ نەرێنی دزڤڕیت لڤان سێ ساڵێن بوریدا و خەلکێ سلێمانیێ ئەو بەربژێرە سزادا .
ھەروەسا ( محەمەد حەسەن ) تەنێ (٣٨٦ ) دنگ ئینان کو ئەوژی بەربژێرێ پەکەکێ بو لـ سلێمانیێ، ڕوناک مەجید کو ئێکا دنە ژ بەربژێرێن ئەڤێ ڕێکخراوێ تەنێ ( ٢٨٩ ) دەنگ ئینان ، ئەڤەژی بـ شکەستەک مەزن دھێت ئەژمار کرن.
شێخ سەمیر کو ئێکێ دنە ژ بەربژێرێت پەکەکێ لـ شەنگالێ تەنێ ( ٦٠٠ ) دەنگ بدەستڤە ئیناینە ، نادیا شێخ موس چالاکڤانا جڤاکا سڤیل سەدەمێ شکەستا پەکەکێ لـ شەنگالێ بو چەند ئەگەرەکا دزڤڕینیت و بـ (( دەنگێ بەھدینان )) ڕاگەھاند ” پەکەکە سەرێ چەند ساڵایە ئەزیەتا خەلکێ شەنگالێ ددەت ، جیھان دخازیت شەنگالێ ئاڤەدان بکەت ، لێ پەکەکە ڕێگرە ، لەوما گەلێ شەنگالێ ڤیا بێژیتە پەکەکێ ئیدی بەسە و مە تونەڤێی ، چ جوداھی دنێڤبەرا وە و حەشدێدانینە “.
ھەروەسا کاروان سیوەیلی چاڤدێرێ سیاسی دبێژیت کو شکەستا بەربژێرێت پەکەکێ لـ سلێمانیێ سەدەمێ وێ ئەو ستەمەیە یا ئەف ڕێکخراوە بسەرێ نافچەیێن سنوری یێت ھەرێمێ دکەن ، ھەروەسا دبێژیت ئەف شکەستنە ڕامانا وێ ئەڤەیە کو گەلێ باشور پەکەکێ ڕەت دکەت و ئەف شکەستا دیتی سزادانا وێیە ژ ئالیێ ملەتێ مە ھەرێما کوردستانێ .
