شوان شوانی: پشتی ١٦ێ ئوکتوبەرێ کورد یێ بویە دەرەجە دو لـ کەرکوکێ

دەنگێ بەھدینان

نڤیسەر و چالاکڤانێ دیاری باژێڕێ کەرکوکێ لـ ساڵڤەگەڕا خیانەتا ١٦ێ ئوکتوبەرێ ڕادگەھینیت ” بەرێ ئەف خیانەتە بھێت کرن کورد لـ کەرکوکێ حاکم بون ، لـ ناڤ کورداندا ئێکەتی حاکمێ موتڵەق بو ، لێ ژبەرکو ئەوان چ جارا نەدیتیە حاکم بن و ھەردەم بندەست بونە ، ڕابون ئەف خیانەتە کر و خەنجەرەک لـ پشتا دوزا کورداندا”.

ھەروەسا دبێژیت ” نھا کورد مینا کەمینەیەکا کرێت دھێت دیتن لـ کەرکوکێ ، ئەم یێت بوینە ھاوڵاتیێت دەرجە دو لـڤی باژێڕی ، ئەڤە ھەمی بـ سەدەمێ خیانەتا چەند کالفامەکانە ، کورد زورینەیا کەرکوکێ نە و ئەگەر پێنگاڤێت سەدام یێت تەعریبی بھێن شکاندن و خەلکێ ڕەسەنێ ڤی باژێڕی بزڤڕنە وارێ خو ، ئەم دێ بینە زورینەیا ڕەھا”.

ددیماھیکێدا دبێژیت ” ئەم نھا خراپتر ژ سەردەمێ سەدام دژین ، بەرێ ٢٠٠٣ ئێک دکتاتور مە ھەبو ، لێ نھا ھەمی یێت بوینە دکتاتور ، ئەڤە ئێکەتیە ژبو ھەلگرتنا کلاشینکوفان لـ بارەگەھێ خو دچن دەستیریێ ژ بەرەیا ترکمانی وەردگرن !، میلیشیا بخو دکتاتورە لسەرمە و ڕاکان جبوری جودا و حەشدا ترکمانی جودا ، ئەرێ لاھور بافل وە کەرکوک بوچی فروشت ، نەفت نەفتا ھەوە بو و داھات ھەمی ژبو وەبو ، پا بێژن سەدەم چبو ھەوە فروشت ؟! “.