ئەوێن بەڕەڤانیێ ل پەکەکێ دکەن هەر ئەون یێ بەڕەڤانی ل حەشدێ دکری
هوگر نێروەیی
پارتێت ئیرۆ بەرەڤانیێ ژپەکەکێ دکەن ل ژێر ناڤێ کوردایەتییێ ھەرئەو پارت بون یێت دوھی پیلان دانان حشدا شعبی ھەرێما کوردستانێ داگیربکە، عەبادی دەسھەلاتا رەھا وەربگرە، وان ژی پاداشت بکە ب حاکمیا دھوک و ھەولێرێ. ھەر ئەو پارت بون یێت پێرێ عەسڵێ خوە فروتی و بگوھرینا رەچەلەکێ خوە بۆ ئەسەدی بۆ وێ یەکێ دوستایەتیا خوە بۆ مالکی و تەڤایا شیعان خویا بکەن.
ل ئیرو و دوھی و پێرێ ب تنێ ئارمانجا وان لاوازکرن و ژناڤبرنا پارتی بوو. ئەو پارت ھەر دەسھەلاتەکێ دخازن و باش دزانن ب تنێ پارتی ناخازن ب شاش دزانن.
ئیرو وەھا دزانن گەر پارتی نەما ئێدی ئەو حاکمن کەسێ دن ل سەر وان نابە. لێ وان ئەزمونا خوەیا پێشیا چەند سالان ژبیرکریە دگەل حشدێ دەما پارتی ل کەرکوکێ ئەو حاکم بون و کورد دەسھەلات داربون، لێ دەما پیلانا وان سەرگرتی ل شازدەی ئۆکتۆبەرێ و پارتی نەمای ل کەرکوکێ ئێدی نەبتنێ حاکم نەمان بەلکو نھا مینا خولامان رەفتارێ دگەل وان دھێ کرن بۆ ھەر پرسەکێ و تشتەکێ بخوازن دەستیریێ ژ راکان و حسن پلایس وەردگرن، و دەسھەلاتا کوردان ژی ب داوی ھات ئێدی کورد بونە ئێخسیرێت تورکومانێت کێمینە.
گەر سبە پەکەکە حاکمیا ھەرێما کوردستانێ وەربگرە، دێ رەفتارێت خولامێت خولاما دگەل پارتێت دەرڤەی خوە کەت، پەکەکە چوو ھێزو و پارتێت کوردی ل دەرڤەی خوە قەبیل ناکە لێ خولامەتیا خەلکی ب سەربلندی دکە شەری ژ بۆ وێ خلامەتیێ دکە. وی دەمی پارتێت دەرڤەی پەکەکە ناچار دبن ئەجێندایا پەکەکێ جێبەجێ بکەن، کوە پەکەکە نھا ل شنگالێ لژێر باندور و ئەجێندایا حشدێ یە و حشد ئەجێندایا کومارا ئیسلامی ئیرانێ جێبەجێ دکە. کوە پەکەکە دووجاران ل ڤر خولامە، جارەکێ بۆ حشدێ و جارەکێ ژی بۆ ئیرانێ، ل وی دەمی پارتێت دن دێ سێ جاران خولام بن، جارەکێ بۆپەکەکێ و جارەکێ بۆ حشدا شعبی و جارەکێ بۆ ئیرانێ.
