میدیایێت ئێکەتیێ ژەھرخارکرنا پڕانیا سەرکردێن ڤێ حزبێ پشتڕاست دکەت
دەنگێ بەھدینان
پشتی ٨ێ تەموزێ و دورخستنا لاھور تلیاکچی و تاقما وی یا خیانەتکار ، چەند بەلگەنامەک ئاشکەرا بونە لـ دەزگەھا زانیاری ، ئێک ژ دوسیێن گرنگ بو ئێکەتیێ ، دوسیا ژەھر خارکرنا سەرکردێن ئەڤێ حزبێیە ، ھەر ئێک ژ بافڵ تاڵەبانی و مەلا بەختیار و شاناز ئیبراھیم ئەحمەد ددەستپێکا ٨ێ تەموزێ ئاشکەرابو کو ھاتینە ژەھر خار کرن ، میدیایێت ئێکەتیێ ئاشکەرا کر کو بافل تاڵەبانی ھاتیە ژەھرخار کرن و تومەتبار ھاتیە دەستەسەرکرن .
پشتی بورینا چەند ڕوژەکان ئاشکەرا بویە کو ھەر ئێک ژ کوسرەت رەسول و ھێروخان و سەعدی پیرە و ئێک ژ کوڕێت کوسرەت و ڕێڤەبەرێ ئاسایشا سلگمانیێ ژی ھاتینە ژەھر خارکرن.
لـ گور زانیاریێن دەست (( دەنگێ بەھدینان )) کەتین ژ ئالیێ ژێدەرەکێ تایبەت ، پڕانیا سەرکردێن ئەڤێ حزبێ بەر بـ ئەڵمانیا چونە ژبو پشکنینان و تانھا ژەھر خارکرنا کوسرەت ڕەسول و ڕێڤەبەرێ ئاسایشا سلێمانیێ پشتی یا پێلا ئێکێ ھاتینە پشت ڕاست کرن .
جھێ بیر ئینانێیە لاھور تلیاکچی گەلەک ھەولداینە کو خو بگەھینیتە گوپیتکا دەستھەلاتا ئێکەتیێ و چەندین ھەولێن خراپ داینە و بـ خیانەتێ ڕابویە و ئێک ژ ڤان کاران ژەھرخار کرنا سەرکردێن ئێکەتیێ بویە و یا ژ ھەمیا مەزنتر فروشتنا کەرکوک و خانەقین و نافچەیێن دن یێن سنورێ مادێ١٤٠ بویە .
