ژێدەرەک: مەلا بەختیار بـ ژەھرا جیوە ھاتیە ھەدەف کرن
دەنگێ بەھدینان
ژێدەرەکێ تایبەت لـ ماڵباتا (مەلا بەختیار ) سەرکردێ ئێکەتیێ بـ (( دەنگێ بەھدینان )) ڕاگەھاند ” تەندروستیا ھەڤال بەختیار نھا یاباشە ، لێ کاریگەریێت ژھرێ بەردەوام دەردکەڤن لـ جەستێ وی ، لەوما تانھا لـ نەخوشخانێ مایە “.
ھەروەسا گوت ” پشتی دوجاران پشکنین بو ھاتینە کرن ، دەرکەت کو ھڤال مەلا بەختیار یێ ھاتیە ژەھرخارکرن “، لـ سەر ناسناما ئەنجامدەرێ ڤێ تاوانێ گوت ” ئەنجامدەر ئاشکەرایە و لـ ئەڤان نێزیکا نڤیسینگەھا ھەڤال مەلا بەختیار دێ زەلال کرنەکا فەرمی بەڵاڤ کەت و کەس و ئالیێ ئەنجامدەر دێ ئاشکەرا کەت “.
چەند ڕوژەکە نوچەیێ ژەھرخارکرنا سەرکردێن ئێکەتیێ تێ بەڵاڤ کرن کو ژلایێ لاھور تلیاکچیڤە ھاتینە ھەدەف کرن ، ئێکەم کەس بافڵ تاڵەبانی ئاشکەرا بو و بکەر ھات دەستەسەر کرن و ئالیێ کو ھاندای و فەرماندایێ ئاشکەرا کر کو ئەوژی لاھور تلیاکچی بویە.
