شلوڤەکارەکێ سیاسی: شەنگال یابویە مەیدانا ئەجێندایێت میلیشیاوی
دەنگێ بەهدینان
شلوڤەکارەکێ سیاسی ل سەر هەبونا میلیشیایان و چەتەیێت ڕێکخراوا تیرورستیا پەکەکێ ڕادگەهینیت کو شەنگال پشتی ئازاد کرنا وێ ژ دەستێ تیرورستێت داعشێ ل ساڵا ٢٠١٥ ، یابویە مەیدانا ئەجێندایێت میلیشیاوی.
یاسین تەها شلوڤکارێ سیاسی کو دنهادا ل شەنگالێ دژیت ، ب پێگەها یوڕو نیوز ڕادگەهینیت کو شەنگال یابویە مەیدانا ئەجێندایێت میلیشیاوی و چەند هێز و چەکداران ، ئەڤەژی بویە سەدەمێ ئەڤێ چەندێ کو خەلکێ دەڤەرێ نەکارن بزڤڕنە سەر وارێ خو.
هەروەسا دبێژیت ” شەنگال دنهادا د ژیارەکا نەخوشدا دژیت و دوخێ وێ گەهشتیە ئاستەک خراپ و لسەر لێڤا پەقینێیە ” ، ئەڤ شلوڤەکارە لسەر ڕێکخراوا تیرورستیا پەکەکێ دبێژیت ” ئەڤ هێزە ژ شەنگالێ دەرناچیت و ئەو جهێن کو ئەو لێ ب نفوزا خو دزانیت ، ئەڤەژی یابویە سەدەمێ ئەڤێ چەندێ کو ڕێکەفتنا هەولێر و بەغدا لسەر شەنگالێ نەهێت جیبجی کرن “.
