سەرەدانا سەروک وزیران بو لێ قەومیێت لەھیا ھەولێرێ دەنگڤەدانەک مەزن لـ سوشیال میدیای ڤەدا

دەنگێ بەھدینان

ھێژا مەسرور بارزانی سەروک وەزیرێ ھەرێما کوردستانێ سەرەدانا لێ قەمیێت لەھیا ھەولێرێ کر لـ گوندێ کوری و شارێ زێڕین ، ئەڤێ سەرەدانێ دەنگڤەدانەک مەزن دیف خوڕا ئینا لـ سوشیال میدیایا کوردستانێ و عیراقێ .

جەمال ئەلسەید چالاکڤانێ دیارێ سوشیال میدیای لـ ناسڕیێ لـ سەر ئەڤێ سەردانێ نڤیسیە ” ئەگەر مروڤ لـ چاڤێت بارزانی بنێریت دێ دلسوزیا وی بوخەلکی ھێتە دیتن ، ئەگەر عیراقێ تەنێ چار ساڵان حاکمەک دلسوز مینا وی ھەبا ، دا دوبەی خوزیا بمە بەت “.

ھەروەسا شەماڵ شەمێرانی چالاکڤانێ دیاری سوشیال میدیای لـ سلێمانیێ دنڤیسیت ” بەلێ بـ جدی سەروکێ حومەتێ ئاغا و کوێخا نیە ، بەلکو خزمەتکارێ ڤی وەڵاتیە”.

چالاکڤانەکێ دن بناڤێ دیاری برادوستی دنڤیسیت ” نھا خەلک ھەست دکەت کو خودانەک ھەیە و کەسەک ھەیە خەمێ لـ پاشەڕوژا ڤی وەڵاتی دخوت ، ئەڤڕو ژ ھەمی دەمەکی زێدەتر ملەت ھەست بـ ئارامیێ دکەت”.