کێ لیسا شمیت روژنامەڤانا ئەلمانی تیرور کر

دەنگێ بەھدینان

عەتا سەراوی لـ ساڵا ١٩٨٤ ێ جاش بو لـدەف ( فەتاحێ حەمە قالەی گەلالی ) لـ نێزیک چوارتای شارباژێڕێ ڕەبیا جاشاتیێ ھەبو.

لڤی سەردەمیدا عەتای پەیوەندیەکا پتەو دگەل ( مەنزوما ئیستیخباراتا عیراقی ) و ( دەزگەھا موخابەراتا عیراقی لـ سلێمانیێ ) ئاڤا دکەت.

لڤی سەردەمی خەلکی بشێوەی قەچاغ کەل و پەل دبرنە ئیرانێ ، عەتا سەراوی و چەند ھەڤالەکێت وی خەلک دشەلاند و روژەکێ ٧ جاشێت ھەڤالێت وی رێگریێ لـ سێ کەسان دکەن ئەوژی کارێ وان بازرگانی بو لڤی سنوری ، عەتا وان دەستەسەر دکەت و گەفا رادەستکرنا وام بـ مەنزومێ لێ دکەت ، ئەو سێ مروڤەژی فیرارن و خەلکێ ھەلەبجەی دبن، لـ ترسێن ئیستخباراتا بەعسێ ١٥ ھزار دینارێ سویسری ددەنە عەتا سەروای و ھەڤالێت وی دا وان رادەست نەکەن.عەتای ئەو پارە لسەر خو  وھەڤالێت خو پارڤە کرن لێ شەر دبەینا واندا چێ بو و عەتای ئێک ژ ھەڤالێت خو کو خەلکێ گەلالەی بو کوشت لسەر پشکا وی ژ پارێ سەرانێ.

پشتی ڤێ کوشتنێ بریارا دەستەسەر ژرنا عەتای دەرچو ژبەرکو کوشتی خزمێ مستەشارێ وان بو ، بنەچاری عەتا دچیتە شاخی و تو حزبەک وی وەرناگریت ، ژبەر کو یا دیاربو لسەر کوشتن و دزیێ یێ رەڤی نەک دلسوزی بو کوردستانێ ، ئەوبو برێیا خزمەکێ خوڤە خو گەھاندە حزبا سوسیالیستا کوردستانێ ( حسک ) ھەتا سالا ١٩٩١ێ.

لـ پشتی سەرھلدانێ و لـ سالا ١٩٩٢ یێ بریێا ھەڤالەکێ خو بناڤێ ( شەفیقە رەش ) پەیوەندی بـ موخابەراتا عیراقی ڤە دکەت ، پشتی ھنگی ئەڤ دەزگەھە لـ کەرکوکێ مەلەفەکی بو ڤەدکەن و ھەر ھەیڤ برەکێ پارەی ددەنێ لـ ھەمبەر پێدانا زانیاریا لـ سەر گەلێ کورد و کوردستانێ و سیخوری کرن بو بەعسێ.

ھەتا دەتسپێکا سالا ١٩٩٤ ێ ئەڤێ جارێ مخابراتا عیراقی داخازێ ژ عەتای دکەن کو نێنەرێ نەتەوێن ھەڤگرتی یان روژنامەنڤیسەکێ بیانی لـ سلێمانیێ تیرور بکەت ، لـ ھەمبەر ٥٠ ھزار دینارێ سویسری .

عەتا بڤێ چەندێ ڕازی دبیت و نامەکێ برێیا شەفیقە رەش بو مخابراتا عیراقی دشینیت و داخازێ ژێ دکەت کو ٥٠ ھزاری بو بکەنە ١٠٠ ھزار و دەستپێکێ ٣٠ ھزارا بو بشینن ژبەرکو ئەو دێ خەلکی بخو بکار ئینیت و پارەی دێ دەتێ.

موخابراتا عیراقی رازی دبن و پارەی بو دشینن.

لـ ٣ / ٤ / ٢٠٢١ دەمژمێر دوازدە و نیڤێ پشتی نیڤرو ڕوژنامە نڤیسا ئەلمانی و دوستا بوەفایا کورد و خەمخورا دوزا کوردا خاتو ( لیسی شمیت ) دگەل پێشمەرگەھەک کو پارێزڤانێ وێ بو بناڤێ ( عەزیز قادر ) بـ دەستێ عەتا سەراوی و سێ چەتەیێن دن ھاتن تیرور کرن لـ نێزیک شارەدەریا عەربەت نێزیک زالگەھا چەناغچیان .

ھەر ڤێ روژێ عەتا سەروای دەگەتە مالا قادرێ حەجی عەلی کو رێڤەبەرێ دەزگەھا زانیاریا ئێکەتیێ بو لوێرێ خو ڤەشارت.

پشترا ئاسایش دچەنە سەر مالا برایێ وی بناڤێ محەمەد سەراوی و دەستەسەر دکەن ، روژا لـ دیفدا حەجی قادر عەلی ئەوژی ئازاد کر، ئەوبو محەمەدێ برایێ وی لـ شەرێ خێلی حەمە دگەل ئەنسارێ ھات کوشتن.

دو ھەفتیا پشتی ڤێ ڕیدانێ کەنالا puk tv کو سێ تاوانباران ئەف کریارە ئەنجامدایە ، ھێزێن ئاسایشێ شیاینە دو ژ ئەڤان تاوانباران دەستەسەربکەن بناڤێ ( زەکی عەباس ) و ( ئیسماعیڵ مستەفا ) و سێیەم ناڤێ وی ( وەھاب شێخ ئەحمەدە ) و یێ رەڤیای بو کەرکوکێ ، بڤی رەنگی ناڤێ عەتا سەراوی ژ لیستا تیرورکرنێ ئینا دەر!.

لـ دەمێ ڤەکولینێدا ھەردوو تاوانبارا زەکی و ئیسماعیل و لـ پێش دادوەری دانپێدانا کو ئەو چار کەس بون ژبلی وەھاب شێخ ئەحمەد کەسێ سەرەکی ژی دگەل دابو کو سەرپەرشتیا وان دکر ئەوژی تیرورست ( عەتا سەراویە )، کو وی پارە ژ موخابەراتا عیراقی وەرگرتیە.

دادوەر فەرمانێ دەستەسەرکرنێ ژبو عەت سەروای دەردکەت ، لێ جارەکادن چەند بەرپرسەکێت ئێکەتیێ پشتەڤانی لێ کر، فەرمانا دەستەسەرکرنا وی ھەلوەشاند و دالدەدا ، پشترا شاندە ئیرانێ و بـ پارێ تیرورکرنا لیسی شمیت خو گەھاندە سوید بـ قەچاغی.

لـ ڕوژا ١٦ێ ٤ـا ١٩٩٤ ێ تەرمێ خاتو لیسی شمیت کو ناڤێ وێ یێ راستی Elisabeth Schmit ـە کو بناڤێ ( میلێنا ئێرگن ) بابەت ژبو روژنامە و میدیایێت جیھانێ دنڤیسین ، لـ نێزیک شارێ فرانکفورت -ئەلمانیا یا فیدرال بـ پدکداریا زێدەتر ژ ٨٠٠ کەسان ھاتە بـ خاک سپاردن.

کاروچالاکیێن خاتو لیسا شمیت لـ ھەرێما کوردستانێ ئەڤەبون:

١.گەلێ کورد و نەھامەتیێت وێ بـ جیھانێ ناساندن

٢.ئەندام بو لـ رێکخراوا مروڤ دوست میدیکۆ ئینتەرنەشینال

٣.بەلاڤ کرنا چەند ریپورتاژەکا لـسەر کیمیا بارانا ھەلەبجەی و نافچەیێن دن ژئالیێ رژێما بەعسێ ڤە.

٤.داخازا پشتەڤانیا جیھانی دکر بو کوردستانێ

٥.کار ژبو گەلەک میدیایێت جیھانی دکر و لناڤ واند ئاژانسا دەنگ و باسێ فەرەنسی AFP  ریپورتاژ دنڤیسین.

بەلێ ئەڤە دلوپەکە ژ دەریایا خیانەتێت عەتا سەراوی لـ گەلێ کوردستانێ.

ئەو یێ بەرھەڤ بو لـ پێناڤ پارەی ھەمی ملەتێ کورد بفروشیت ، لێ غیرەت نیە تولا برایێ خو ( محەمەد سەراوی) لـ سوران عمەر ڤەکەت کو لشەرێ خێلی حەمە دەستێ سەرەکی ھەبو و دەستەراستی ئەمیرێ وان بو .