ئێرشا سەر ماڵا سەروک وەزیرێ عیراقی ب مەترسیەک مەزن دهێت ئەژمار کرن
دەنگێ بەهدینان
پشتی کو ل سپێدەیا ئەڤڕو دەمژمێر ٣:٣٠ ئێرشەکا تیرورستی ب دڕونا هاتیە ئەنجامدان بو سەر ماڵا مستەفا کازمی ل نافچەیێ کەسک ل بەغدا ، چاڤدێرێت سیاسی و ئەمنی داخویانیێن جودا لسەر ڤێ چەندێ ددەن و ب چونە ناڤ قوناغەک نو ئەژمار دکەن.
ئەحمەد جەلیل چاڤدێرێ سیاسی و ئەمنیێ عیراقی ل سەر کریارا ئێرش کرنە سەر ماڵا مستەفا کازمی سەروک وەزیرێ عیراقێ دبێژیت ” دەمێ شلوڤا دوخێ عیراقێ دهێت کرن ، دڤێت بێژن عیراقا پشتی حەفتێ نوڤەمبەرێ ، ژبەر کو ژ حەفتێیێن سەدەیا بوری تانها چ کریاکرەک بڤی ڕەنگی نەهاتیە ئەنجامدان ، دنهادا عیراق یا لبن مەترسیێت کودەتایدا و ل هەردەمەکی کوردەتا یا واردە ، لەوما شلوڤەکرنا دوخێ عیراقێ دنهادا ئاراستێت وێ نەدیارن و ل هەردەمەکیدا بوی هەیە کو کودەتا بهێت ئەنجامدان “.
هەروەسا هیوا زیرەک چاڤدێرێ دوخێ عیراقێ ب (( دەنگێ بەهدینان )) ڕاگەهاند ” ئەگەر پێشتر ئەو کەسێن ئێرشێن درونی کریە سەر فڕوکەخانا هەولێرێ هاتبان سزادان ، ئەڤڕو ئێرشی وەر کازمی نەدهاتە کرن ، لەوما خەتابار حکومەتا عیراقێیە پاشێ هەڤپەیمانیا نێڤدەولەتی کو تانها نەشیاینە ڕێکێ ل میلیشیایان بگرن ، نها ئێرش یا هاتیە ئەنجامدان کی و چاوا گرنگ نیە ، بەلکو یاگرنگ ئەڤەیە کو بزیترین دەم ژێدەرێ ئەڤان ئێرشا و ئەو کەس و ئالیێن پشتەڤانیا وان دکەن بهێن ئاشکەرا کرن و سزادان ، ئەگەر ئەڤە نەهێتە کرن ، ئیدی عیراق هەمی دێ لبن مەترسیا تیرور کرنێ بیت “.
