چاڤدێرەک: لاھور تلیاکچی بڕێیا سوشیال میدیای گەنجان دخاپینن
دەنگێ بەھدینان
لـ سەر ئەڤان پڕوپاگەندێت کو سوشیال میدیایێت لاھور تلیاکچی بەلاڤ دکەن و پاڵ بـ گەنجان ڤە دنن کو بەر بـ دەرڤەی وەڵاتی بچن ، سنور ئەحمەد چاڤدێرێ سیاسی بـ (( دەنگێ بەھدینان )) ڕاگەھاند ” ئەڤە چەند ڕوژەکن لاھور تلیاکچی بڕێیا میدیایێت خوڤە بـ تایبەت لـ سوشیال میدیای ھانێ گەنجان ددەن کو وەڵاتێ خو بـ جھ بێلن و ڕێیان نیشا ددەن ، ئەڤەژی ژبو ڤێ چەندێیە دا سلێمانی ژبوی چەتەیێت وی بمینیت ، ئەڤ کارێ ئەو دکەن بەرنامەیە و مەترسیەک مەزن لـ سەر جڤاکێ چێکریە “.
ھەروەسا دبێژیت ” ھەمی ئەو بێ ئومێدیا کو حزبێت ئوپوزسیونێ د ھزرا ڤان گەنجاندا چێکری و ھەمی گەنج سەر لێ شێواو کرن ، لەوما ئەڤەژی بو سەدەمێ ڤێ چەندێ کو گەنچێت سلێمانیێ بێ ھیڤی ببن “.
ددیماھیکێدا دبێژیت ” ئەو نە ئارامیا بـ سەدەما جەتەگەریا تاقما خیانەتکار لـ سلێمانیێ ھاتی خولقاندن ، گەنجێت ڤێ دەڤەرا ھەنێ بێزارکرن ، لەوما سەرێ خو ھەلدگرن و بەر بـ ئەوروپاڤە دچن ، میدیایێت ڤێ تاقمێ بـ ئاشکەرا ڕێیا خوشدکەن بوڤێ چەندێ بـ تایبەت نھا کو لـ سنورێ نێڤبەرا بیلاروسیا و پولەندا تیمەک دانایە و رومالا کوچبەریێ دکەن و گەنجان دئینن ئاخفتنێ بـ پارە و ئەوێت وان دڤێت پێ دبێژن”.
