بوچی میدیایێت تاقما خیانەتکار ھانێ گەنجان ددەن بچن ئەوروپا

دەنگێ بەھدینان

لـ گور زانیاریێت (( دەنگێ بەھدینان )) کو ژلایێ چەند ژێدەرەکان ھاتینە پشت ڕاست کرن ، لاھور تلیاکچی بـ سەرپەرشتیا ( ئارام ئەحمەد ) کو لـ ئەوروپا دژیت و کار ژبو بەرژەوەندیێت تاقما خیانەتکار دکەت ، گروپەکا قەچاغچیان دانایە و کوچبەران ژ بیلاروسیا دگەھینن بریتانیا و ئەلمانیا بـ پارەکێ زور .

ئەو کەسێن کو بڤی کاری رادبن پێکدھێن ژ تیمەکا ڕەگەز ھەمەجور کو چەند ساڵەکە کارێ قەچاغیێ دکەن و ناڤێت وان ئەڤەنە ( عەلی ئەکبەر بـ ڕەگەز ئەفغانی ، کاروانی خاڵە حەمە خەلکێ سلێمانیێ ، دانای گورگە خەلکێ قەزا ڕانیە یا سەر بـ سلێمانیێ ، شاخوان لەندەنی خەلکێ بەکرەجویا سلێمانیێ ) ، ئەڤە ھەمی ژلایێ ئارام ئەحمەد دھێن بڕێڤەبرن و پارێ وان ژبو  لاھور تلیاکچی دشینن .

سالم ھەڵەبجەیی چالاکڤانێ بوارێ مروڤی لـ سوێد ، بـ (( دەنگێ بەھدینان )) ڕاگەھاند ” ئەرکێ لاھور تلیاکچی لـ ھەرێما کوردستانێ ئەڤەیە کو ھانێ گەنجام بدەت بچن ئەوروپا دا بشێن پارێن زێدەتر کوم بکەن بـ خینا ڤان گەنجا و بێی کو ھزر لـ چارەنڤیسا وان بکەن ، ئەڤە کارەک ھەری مەترسیدارە و دڤێت وەزارەتا رەوشەنبیری ڕێگریێ لـ میدیایێت لالەزار بگریت و نەھێلیت ھزرێت ژەھراوی بەلاڤ بکەت”.

جھێ باسێیە میدیایێت لاھور تلیاکچی چەند ڕوژەکن بـ گەرمی نوچەیان لـ سەر کوچبەرێت کورد بەڵاڤ دکەن و ھەول ددەن کو ژمارەکا زورا خەلکی کوچ بکەن دابشێن کارێ قەچاغیێ بەردەوامیێ پێ بدەن .