هێژا مەسرور بارزانی:ئەم یێ ب قوناغەکا هەستیاردا تێدپەڕین

دەنگێ بەهدینان

هێژا مەسرور بارزانی سەروکێ حکومەتا هەرێما کوردستانێ  دگوتارەکێدا ل کوڕبەندا ئاشتی و ئاسایشا ڕوژهەلاتا ناڤین کو ل زانکویا ئەمریکی ل دهوکێ هاتی سازکرن ، ڕاگەهاند ” نافچە ب گشتی و وەڵاتێ مە ب تایبەتی ب قوناغەکا هەستیار و سەختدا تێدپەڕیت ، دڤێت لڤێ کوڕبەندێدا تەکەز ل ئاسایش و ئارامیا نافچەی بهێتە کرن “.

هەروەسا گوت ” هەر وەک ئەم دزانین ژبلی سەقایێ سیاسی ، سەقایێ سروشتی ژی گوڕانکاری یا بسەردا هاتی ، ئەف گوڕانکاریا سروشتی دگەلەک ڕویاندا دبیت کو کاریگەری لسەر پەیوەندیێن نێڤبەرا وەڵاتاندا چێکەت ، ئاریشا ئاڤێ ئێکە ژ ئەڤان ئاریشێت کو دکاریت کاریگەریێ لسەر پەیوەندیێن نێڤبەرا وەڵاتاندا چێکەت”.

ڕاگەهاندژی ” هیڤیدارم عێڕاقێ بو کەنارەکا ئاشتی ببەین ، ژبو ڤێ چەندێ ژی دڤێت پێکڤە کاربکەین ، گوڕانکاری لسەر ئاستێ نافچەی یاهەی و ئەم دبەرهەڤین بو پشتەڤانی کرنا هەر گفتوگویەکا ئاشتیانە ل نافچەی ”

ددیماهیکێدا گوت ” دهوک باژێڕەکێ خوشە و باژێڕێ ئاشتی و پێکڤە ژیانا ئاین و نەتەوێن جودایە”.