ئەو داعشێن ئێرش دکەنە سەر پێشمەرگەی ئەون یێت ئێکەتیێ ئازاد کری
دەنگێ بەھدینان
ئەندامەکێ جڤاتا پارێزگەھا کەرکوکێ ئاشکەرا دکەت کو ھەمی ئەو داعشێن کو دنھادا ئێرشی سەر ھێزێن پێشمەرگەی دکەن ، ئەون یێت کو ئێکەتیێ بـ نھێنی و سەفقەکا نەدیار لـ ھەمبەر پارەی ئازاد کرین و داینە ڕاکان جبوری .
ئەو ئەندامێ جڤاتا پارێزگەھا کەرکوکێ دبێژیت ” ئارمانجا ڕاکان جبوری لڤێ پێنگاڤێ ئازاد کرنا برا و پسمامێت خو بویە دڤی کاریدا و بـ کار ئینانا وان ژبو تەعریبا نافچەیێن مادێ ١٤٠ “.
گوتژی ” نھا کەسێت نێزیکێت ڕاکان جبوری ڕاستەوخو سەرپەرشتیا ئەڤان ئێرشا دکەن ، ئەڤەژی ژبو تەعریبا نافچەیێن کوردی ، گەلەک گوند ھەنە لڤان نافچا کو دانیشتوانێت وان عەرەبن یان تێکەلن ، لێ داعش تەنێ ئێرشی سەر ئەڤان گوندا دکەت یێت کو کورد لێنە “.
ددیماھیکێدا گوت ” بەری ھەر تشتەکی دڤێت ئێکەتی بھێت سزادان کو ئەڤ تیرورستە ئازاد کرین ، ھەروەسا لێژنەکا ڤەکولینێ لسەر ڕاکان جبوری پارێزگەرێ سەپاندیێ کەرکوکێ بھێت پێک ئینان و ئەڤان داعشان بدەت دەستێ دادگەھێ ئەوێن کو ژلایێ ئێکەتیێ ڤە ھاتین ئازادکرن”.
