مەحما خەلیل: پەکەکێ حکومەتا شەنگالێ پەکخستیە

دەنگی بەهدینان

مەحما خەلیل قایمقامێ شەرعی یێ شەنگالێ ددیدارەکا تەلەڤزیونیدا ڕاگەهاند کو ئیدارا بناڤ خوسەریا شەنگالێ ڕێگریێ ل فەرمانبەرێت دەولەتێ دکەت کو بچن دەواما خو و هەمی دام و دەزگەهێت فەرمی هاتینە پەکخستن دنهادا .

هەروەسا دبێژیت کو دڤێت پەکەکە دەست ژڤێ تێکدەریێ هەلگریت و بهێلیت خەلکێ دەڤەرێ بزڤڕنە سەر زێدێ خو.

جهێ بیرئینانێیە کو ل ساڵابوریدا حکومەتا هەرێما کوردستانێ و حکومەتا عیراقا فیدڕاڵ ڕێکەتن لسەر ئاسایی کرنا دوخێ شەنگالێ و دەرکەتنا میلیشیایا و چەکدارێت ڕێکخراوا تیرورستیا پەکەکێ کو هێزەکا بیانینە دناڤ ئەڤی باژێڕیدا.

پەکەکە هەتا بهێت سیمایێت شارستانیەتی ل شەنگالێ تێک ددەت و ناهێلیت ژیان ژبو دەڤەرێ بزڤڕیت ، سەگڤان حەجو چالاکڤانێ دیاری دەڤەرێ ڕادگەهینیت ” پەکەکە ڕێکخراوەک تیرورستیە و ستەما وێ هەمبەر خەلکێ شەنگالێ کێمتر نینە ژ ستەما داعشێ ، ئەوان سەربازگە و زیندانێت نهێنی هەنە و جهێت ئەشکەنجەدانێ ، هەروەسا ناهێلن زاروک بچن خوندن گەهێ ، ئەڤەژی هەمی بەلگەهن لسەر تیرورست بونا ئەڤێ ڕێکخراوا هەنێ”.