خەلکێ شەنگالێ ددەستێ پەکەکێدا دنالینن

دەنگێ بەهدینان

ل گور زانیاریێن (( دەنگێ بەهدینان )) کو ژ ئالیێ چەند ژێدەرەکێن تایبەت بدەست کەتینە ، ڕێکخراوا تیرورستیا پەکەکێ ل شەنگالێ دەست کریە ب چێکرنا ئالوزیان ژبو خەلکێ دەڤەرێ ، ئێک ژ ئەڤان ژێدەران بناڤێ ( ش،ع) ڕاگەهاند ” سەرێ چەند ڕوژەکانە پەکەکێ دەست کریە ب نڤیسینا ناڤێ ئەڤان زاروکێت کو لبن تەمەنێ ١٦ ساڵیێ دانە و زانیاریان لسەر کوم دکەن ، گومان تێ کرن کو ئەڤان زاروکان بڕەڤینن و بزوری ببەنە خزمەتا سەربازیێ “.

هەروەسا ( ک، س) ب (( دەنگێ بەهدینان )) ڕاگەهاند ” پەکەکە ناهێلیت خەلک بچیتە دەوامێت خو ل دەزگەهێن فەرمی یێن دەولەتێ ، ئەو دخازیت حکومەتا خوجهی پەک بێخیت و چ نیشانێت شارستانیبونێ بڤێ دەڤەرێ ڤە نەمینن و بکەنە مەیدانەکا سەربازی و جەنگی “.

جهێ بیر ئینانێیە کو پەکەکێ ل قەزا شەنگال ب تایبەت ل زنارێ چیایێ شەنگالێ چەندین زیندانێت نهێنی چێکرینە و خەلکێ بێ تاوان تێدا زیندانی کرینە بێی کو ل هیچ دادگەهەکێ بڕیار لسەر زیندانی کرنا وان هاتبیتە دەرکرن ژلایێ چ دادوەرێکەڤە .