سەروکێ حکومەتێ بـ سەردانەک فەرمی گەھشتە دەوحە
دەنگێ بەھدینان
ھێژا مەسرور بارزانی سەروکێ حکومەتا ھەرێما کوردستانێ لـ سەر داخازا شێخ تەمیم بن حەمەد میرێ قەتەڕ سەرەدانا دەوحەیا پایتەختێ وەڵاتێ قەتەر کر.
د ئێکەم ڕوژا سەرەدانا خودا ھێژا مەسرور بارزانی سەرەدانا دامەزروەیا قەتەر ( Qatar foundation ) کر.
قەتەر فاوەندێیشن لـ ساڵا ١٩٩٥ ێ ھاتیە دامەزراندن ، لـ سەر دەستپێشخەریا شێخ حەمەد بن خەلیفە ئالثانی ، ئارمانجا ڤێ دامەزراوێ پشتەڤانی کرنا دەولەتێیە ژبو گوھڕینا ئابوریا کاربونی بەر بـ گەھشتن بـ ئابوریەک کو پشت بـ مەعریفەتێ ببەستیت بـڕێیا ھێزا مروڤی.
وەڵاتێ قەتەڕ ، وەڵاتەک دەولەمەندە لـ سەر ئاستێ جیھانێ و نافچەی ، خودان بڕیارا سیاسیە لـ سەر ئاستێ ڕوژھەڵاتا ناڤین ، ئێکە ژ گرنگترین ئەڤان وەڵاتێن کو ئەمریکا بـ پێگەھەک ستراتیژی ددانیت لـ خەلیج و مەزنترین بنگەھێ سەربازیێ ئەمریکا لڤی وەڵاتیە.
لـ چەند ساڵێن بوریدا سەربارێ ئابلوقەیا ئابوری و سیاسی کو ژلایێ وەڵاتێن خەلیج ڤە ھاتە سەپاندن لـ سەر قەتەڕ ، ئەف وەڵاتە ھەر بھێز ما و شیانێت خو زێدەکرن ، ژبو ترکیا وەلاتەک خودان پێگەھە و جیو ستراتیژیە ، ھەروەسا ئێکە ژ ئەڤان وەڵاتێن عەرەبی کو ددیروکێدا بو ئێکەم جارە دێ جامێ جیھانی لڤی وەڵاتی ھێت کرن.
قەتەڕ یا بـ ناڤ و دەنگە بـ ھاریکاری کرنا ھەفپەیمانێت خو لـ دەمێ تەنگاڤیا دا و دەمێ لـ ترکا شکستا ئابوری چێبوی ، وەلاتێ قەتەڕ بـ بھایێ ٢٠ ملیار دولاران وەبەرھێنان لڤی وەڵاتی کر ، لەوما لـ جیھانا ئابوریدا ھاتیە ناساندن بـ وەڵاتێ تەنگاڤیا.
بـ بانگھێشتەکا فەرمی ، ھێژا مەسرور بارزانی سەروکێ حکومەتا ھەرێما کوردستانێ، گەھشتە ڤی وەڵاتی.
