ئوپوزسیونا کوردی و قەیرانا ئابوری
ئۆپۆزسیۆنا کوردی و قەیرانا ئابووری!
ئۆپۆزسیۆنا کوردی، برەشبینێ و وێرانکرن و خرابکرنا کوردستانێ یا گرتی، خەڵکی ل ھەر تشتی بێ ئۆمێد دکەن، ئەگەر زانایێن گەردونی بێژین دێ بەرەکێ مەزن ل ئاسمانی کەڤیتە خارێ و دێل زەڤیێ کەڤیت، ئۆپۆزسیۆنا کوردی ب شێوەیەکێ کار لسەر رەشبینیێ دکەن لڤێ جوگرافیا مەزنا دونیایایێ دێ بێژن ئەو بەر دێل کوردستانێ کەڤیت. یان ژی ھند کەرب و کینا مەزنا ھەی بەرامبەر ھەرێمێ دێ لاڤا کەن ب دلەکێ سووتی کو ئەو بەرە ل کوردستانێ بکەڤیت بتمامی ژناڤببەت!
باران ناباریت دێ نفرینان ل حکومەتێ کەن کو خودێ کوردان سزاددەت ژبەرکو حکومەتەکا گەندەڵ ھەیە! باران دێ باریت لەھی دێ دروست بن کو کارەساتەکا سروشتی یە، ل پرانییا وڵاتان دروست بیت ب وڵاتێن پێشکەفتیڤە لێ جارەکادن دێ حکومەتێ تێر جڤین کەین، دێ بێژن سەدەما حکومەتا گەندەل خودێ غەزەبا خول کوردان باراند، دێب ھەمی شێوان دروشمێ ژناڤبرنا حکومەتێ قێرینین!
پارتێن پۆپۆلیست و شاشیێن دەسھەلاتێ و نادادپەروەرییا ناڤبەرا خەلکی کۆ چینایەتیا زەلال ھەیە سەدەما رەشبینیێ نە ل جەم خەڵکی کو ھەمی کونج و قولیشکێن مێشکێ تاکێ کورد پارڤەبوویە! لێ راستیەک ھەیە پارتێن پۆپۆلیستی کو خۆناڤکریە ب پارتێن ئۆپۆزسیۆن چجاران ناخازن بارێ ئابووریێ خەڵکی باش بیت! ھەر دخازن خەڵک ل سرا پانزین و غازێ بیت، چەند مەھان جارەکێ مووچەی وەربگرن! بازار ل گۆپیتکا گرانیێ بیت، ھەژاری و نەداری ل سەرتاسەری کوردستانێ بگریت بۆ ھندێ بکارن دروشمێن خۆیێن ژەنگی گرتی مینا ژناڤبچیت حکومەتا گەندەڵ ب چەندین ئاوازا بقێرینن! چونکو گەر بارێ ئابووری یێ خەڵکی باش بیت چ قەیران نەبن پارتێن ئۆپۆزسیۆن ب چ بەھانەیەک دێ درۆشمێ ژناڤچوونا حکومەتا بۆ پرۆپاکندێن خۆیێن ھەوا ھەڵبژارتنێ بکارئینن! کو نەبوونا ستراتیژیەت و چ پرۆژەیان کو بتنێ توورەییا خەڵکی گرتیە دێ ئەوژناڤچن ب نەمانا قەیرانان، لەوما چەند بشێن دێ قەیرانان مەزنکەن و بێ باوەریێ بەلاڤکەن بۆ ژناڤنەچوونا خۆ!
ئەگەر من بڤێت ل نڤیسەرەکێ دن باشتربم ب گوتنان لێ باشتر نابم بەلکو دڤێت نڤیسینان ل وی باشتر بنڤیسم، ئەگەر ئەوژی دخازن ل حکومەتێ بگرنە دەست دڤێت بیرۆکە و پرۆژێن باشتر ھەبن یێن نھا حکومەتێ رێڤەدبەن، نەب تنێ ب گوتنا بگرن ھەمی جاران کارڤەدان ھەبن بۆ کارێن حکومەتێ بەلکو دڤێت کار ھەبن و کارێن باشتر بکەن. کو پارتێن ئۆپۆزسیۆنێ ھەر دخەیالان دا دژین رۆژانە ھزار جاران حکومەتێ ب گوتنێن خۆ ژناڤدبەن! بێیکو ئەلتەرناتیڤەک ھەبە!
مافێ خەلکییە داخازا ژیانەکا باشتر و باشترین بکەن، حکومەت شاشی ھەبوون فشاران لێبکە کو شاشیێن خۆ راستڤەکەت، کارێن باش ژی باشتربکەت، لێ گەر ھەر باش نەبوو لاڤان و ئاواتان ڤە نەگرە کۆ حکومەت ژناڤبچیت یان ھەر فکراتەدابیت کو بارەگایان بسووژی بۆ ژناڤبرنا حکومەتێ، بەلکو دکاری ب کارێن خۆ یێن باشتر ژ حکومەتێ دەنگێن خەڵکی بخۆ ببەی و حکومەتا نھا ژناڤبەی حکومەتەکا دن دروستبکەی کۆ ھوون سەرۆکێن حکومەتێ بن. چونکە حکومەتا ھەر ولاتەکێ ل سەر ئاستێ ھۆشیارییا خەلکی دروست دبیت، ھەردەم خەلکە حکومەتان دروستدکەت، و خەڵک سەرچاوێ دەسھەلاتێ یە نەبەروڤاژی.
نڤیسین : ھوگر نێروەیی
