تیرورستێن پەکەکێ نەڤێت ڕێکەفتنا هەولێر و بەغدا لسەر شەنگالی بهێتە جیبجی کرن
ڕێکخراوا تیرورستیا پەکەکێ بهەمی ڕەنگەکی دژی رێکەفتنا هەولێر و بەغدا لسەر ئاساییکرنا دوخێ شەنگالێ ڕاوەستیایە و نەڤێت ئەف ڕێکەفتنە بهێتە جیبجی کرن ژبو مەرامێن خو یێن تایبەت.
پشتی کو هەولێر و بەغدا ڕێکەفتین لسەر ئاسایی کرنا دوخێ شەنگالێ و تێدا هاتی کو دڤێت هێزێن دەرەکی و میلیشیا ژ قەزا شەنگالێ دەرکەڤن ، ڕێکخراوا تیرورستیا پەکەکێ دژبەریا ڤێ ڕێکەفتنێ دکەت و گەفان لڤی خەلکی دکەت ئەوێن نها لشەنگالێ ئاکنجینە و دئیننە سەر شەقامی ژبوی کو دژی ڤێ ڕێکەفتنێ ڕاوەستن ، لسەر ڤێ چەندێ عیدۆ شنگالی چالاکڤانێ دیارێ دەڤەرێ ڕاگەهاند ” پەکەکە گەفان لئاکنجیێن نها یێن شەنگالێ دکەت و ژێڕا دبێژن کو دڤێت هینگ دژی ڕێکەفتنا هەولێر و بەغدا ڕاوەستن و نەڕازی بونێ دەرببڕن لێ ئەم وەک خەلکێ شەنگالێ دخازین میلیشیا و تیرورست دەرکەڤن لسەرئاخا مە ، داژیان ڤەگەڕیتە ڤە بو دەڤەرێ و بشێین شەنگالێ ئاڤا بکەین “.
لسەر ڤێ مژارێ چاڤ کانیەکی ژبو (( خۆر )) ڕاگەهاند ” پەکەکە بازرگانیا مادێن هوشبەر و چەکی دکەت لسینوران ژبەر ڤێ چەندێ نەڤێت شەنگال بزڤڕیتە سەر ڕەوشاخو یا بەری داعشێ ، زیندانێت نهێنیێت پەکەکێ لشەنگالێ هەنە کو پڕانیا ئەڤان زیندانیا گەنجێت ڕوژئاڤایێ کوردستانێ و دەڤەرا سلێمانیێ نە ئەف ژی سەدەمەکە کو پەکەکە ناخازیت شەنگالێ بەردەت و وەرگرتنا مووچەی ژ حەشدا شەعبی سەدەمەکا دیە “.
