ماموستایەکێ زانکوی: پەکەکە ئەزمانێ دانوستانان نزانیت و تەنێ باوەڕی بشەڕی هەیە
دەنگێ بەهدینان
لسەر ڕەفتار و پڕوپاگەندەهێت پەکەکێ هەمبەر هەرێما کوردستانێ ، ماموستایەکێ زانکوی دبێژیت ” پەکەکە زمانێ دیپلوماسیەتێ نزانیت و ئەو تەنێ شەڕ دناسیت “.
دکتور ئاڤدەل ئورەماری ماموستایێ زانکوی لسەر ڕەفتارێت پەکەکێ و کریارێت وێ ل هەرێما کوردستانێ ب دەنگێ بەهدینان ڕا گوت ” پەکەکە هەر ژ دەستپێکا چێبونا وێ تانها تەنێ شەڕ دناسیت ، ئەوێ باوەڕی ب دیپلوماسیەتێ نیە ، پەکەکە ئەزمانێ دانوستانان نزانیت ، ئەو دخازیت هەمی ئاریشان ب شەڕی چارەسەر بکەت کو ئەڤەژی د زانستێ سیاسەتێدا خەلەتیەک مەزنە ، جیهانێ دوو جاران جەنگ کر ، لێ ددیماهیکێدا بڕێیا گفتوگویان ئاریشێت خو چارەسەر کرن ، لەوما پەکەکە دڤێت د چارچوڤا تیرورێ دەرکەڤیت و ژ سیاسەتا نویا جیهانێ تێبگەهیت “.
ئورەماری دبێژیت ” ئەگەر پەکەکێ زمانێ دیپلوماسیەتێ زانیبا ، دوزا کوردان ل باکور شکست نە دئینا و نەدگەهشتە ئەڤێ قوناغا کو ل نهادا تێدایە ، ئەڤە چەندین جارە حکوومەتا هەرێما کوردستانێ داخازێ ژێ دکەت کو شەڕی دور بکەت ل هەرێما کوردستانێ ، لێ ئەو ئەڤێ چەندێ ڕەت دکەت و دخازیت نە بتەنێ ترکیا ب ئینیتە نافچەیێن چیایی ، بەلکو بگەهینیتە ناڤا باژێراندا .
