هەشت کارگەهێن مەزن دێ ل پارێزگەها دهوکێ هێن ئاڤاکرن
دەنگێ بەهدینان
ژبو پێشڤەبرنا کەرتێ تایبەت و دابین کرنا هەلێن کاری ، هەشت کارگەهێن مەزن یێت پیشەسازی دێ ل پارێزگەها دهوکێ هێن ئاڤا کرن .
ل گور ئەڤان زانیاریێن کو ب دەستێ (( دەنگێ بەهدینان )) کەتین ، ل ڤان نێزیکا هەشت کارگەهێن پیشەسازی دێ ل پارێگەها دهوکێ هێن ئاڤاکرن ژبو بەرهەم ئینانا پلاستیک و ئاسن و خوراک و مادێن پاکژ کرنێ ، ئەڤەژی وەک پێنگاڤەکا دن یا حکوومەتا هەرێما کوردستانێ تێ ئەژمار کرن ژبو پێشڤەبرنا کەرتێ تایبەت و دابینکرنا هەلێن کاری ژبو گەنجان ، جەلیل سەعید پسپوڕێ ئابوریێ لسەر ئەڤێ پێنگاڤێ ب دەنگێ بەهدینان ڕاگەهاند ” کابینا نەهێ کاردکەت ژبو بهێزکرنا کەرتێ تایبەت هەڤتەریب دگەل کەرتێ حکوومی ، ئەڤەژی پێنگاڤەک دلخوشکەرە ، ژبەرکو دێ بیتە سەدەمێ بهێزکرنا ژێرخانا ئابوریا وەڵاتی “.
