ئەندامەکێ جڤاتا سەرکرداتیا پارتی: پارتی چ ململانێ دگەل پەکەکێ نینە
دەنگێ بەهدینان
ئەندامەکێ جڤاتا سەرکرداتیا پارتی دیموکراتی کوردستان ڕادگەهینیت کو پارتی چ ململانێیەک دگەل پەکەکێ نینە و چ نیەت نینە کو شەڕی دگەل ئەڤێ ڕێکخراوێ بکەت.
عەلی عەونی ئەندامێ جڤاتا سەرکرداتیا پارتیا دیموکراتا کوردستانێ ب میدیایانڕا ڕادگەهینیت ” دچەند کەنالێت جودادا مە داخاز ژ پەکەکێ کریە کو نافچەیێن سنوری بجهبێلن و ڕادەستێ هێزێن پێشمەرگەهێ کوردستانێ و دام ودەزگەهێت حکوومی بکەن ، لێ پەکەکە ئەڤ ئێکە یاڕەت کری و بەرهەڤ نیە ئەڤێ چەندێ بکەت “.
لسەر پڕو پاگەندەیێت پەکەکێ کو دبێژیت پارتی شەڕێ مەدکەت ، عەلێ عەونی دبێژیت ” پارتی چ ململانێیەک دگەل پەکەکێ نینە و چ نیەتێت شەڕی نینە دگەل پەکەکێ “، ئەڤە ددەمەکیدایە کو پەکەكێ دماوێ ئێک مەهێدا شەش پێشمەرگە شەهید کرن لێ حکوومەتا هەرێما کوردستانێ چ بەرسڤێت توندێت پەکەکێ نەداینە و تەنێ ئەڤ کریارێت چەپەڵ ئیدانە کرینە ، ئەڤ ئەندامێ جڤاتا سەرکرداتیا پارتیا دیموکراتا کوردستانێ ئارمانجا پەکەکێ ئاشکەرا دکەت و دبێژیت ” سەدەمێ چێبونا پەکەکێ تشتەک ئاشكرایە ، ئەوژی دژاتی کرنا بزاڤا ڕاستەقینەیا کوردی بویە و وەک ئامرازەک هێزێن ئەقلیمی پەکەکە بکار ئینایە ژبو ڤێ ئارمانجێ و تانها بەردەوامە.
