ب ئەڤان فێقیا ڕێگریێ ل قەلەوبونا خو بکە
هەمی دەمان شەهرەزایێن خوارنێ ئاماژە ب مفایێ خوارنان دکەن و دیاردکەن کو فێقی مفایێن مەزن ھەنە، ھندەک ژوان مفایان پێکھاتینە ژ قورتالکرنا مرۆڤی ژ کۆمڤەبوونا روینی ل دور زکی، شارەزایێن خوارنێ پێنج جورێن خوارنێ ھەلبژارتینە کو ھاریکارن روین ل زکی کۆمڤە نەبیت ژوان خوارنان ژی:
– تری: شارەزایێن خوارنێ شیرەتان ل مە دکەن کو تری ل گەل تێشتێ بھێتە خوارن ئەوژی ل گەل ماستەکێ کێم روین داکو رۆژەکا ساخلەم دەست پێ بکەی، تری ژێدەرەکێ سەرەکی یە بۆ ڤیتامین(سی) و دژی ژەنگارێ یە و ھاریکارە بۆ کێمکرنا کولیسترولی و روینی.
– شتی: شتی یێ پێکھاتیە 92% ئاڤە، ئەوژی رێژەکا مەزنە و ئاڤ ھاریکارە بۆ تژیکرنا گەدەیی و دیسا چ کەرستە دناڤدا نینن کو کولیسترولی زێدەبکەن.
– دڕی: خوارنا دڕیا ل گەل کێکا ئەو مفا نینە ھەروەکو فێقی دھێتە خوارن، دڕی ژێدەرەکێ سەرەکی یە بۆ ڤیتامین( سی) و مەگنسیومی کو ھاریکارن بۆ شکاندنا کەرستێن خوارنێ وەکو کاربوھیدرات و پروتینان و روینان دناڤا لەشی دا، ئەڤەژی دبنە ھاریکار بۆ باشکرنا لەشی و ھێزێ بۆ دابین دکەن و دبنە رێگر د کومڤەبوونا روینی د زکی دا.
– فراولا: فراولا ھاریکاریێ د کونترولکرنا ئاستێ شەکرێ د لەیدا دکەت و رێکێ بۆ ئومبارکرنا روینی ڤەناکەت و دیسا دبیتە رێگر دکومڤەبوونا روینی دلەشیدا.
– خوخ: ئەو یا پێکھاتیە ژ رێەکا مەزن یا ڤیتامین( ئەی و سی) و کێم کاوری یان پلەیێن گەرماتیێ دناڤدا ھەنە و خوارنا خوخا وەکو دانەکێ سڤک ب شەڤێ ھاریکارە بۆ کێمکرنا روینی دزکی دا.
